Isaia 52:2 - Buki Tabu Lowaenei 1919

² Kauiega ‘u da giniuieio tauio; ‘u da tooro, ‘u da miatoa, Ierusalema ie: ‘otoio ‘ana ‘ebepaimiao ‘ediega ‘u da li‘amiio, ‘oio Siona natuna mewainena ioniionina.

Isaia 52:2 Referans Kwoze

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Isaia 51:14

To mia apwesa ioniionina ‘i da li‘ami manini: ta gea‘abo ‘i da mwawasa be ‘i mwa‘uta gaulaia, nai ‘ina masura ‘i da gumwara.

Isaia 29:4

Ta ‘u da mia mwa‘uta, ta bare‘uiega ‘u da onaona, ta ‘enaio ‘i da mia mwa‘uta kauiega; ta ‘enaio ‘i da nadigega to loiaruiarua besobeso ‘enana, bare‘uiega, ta ‘imu gwae ‘i da gwanegwane kauiega.

Isaia 3:26

Ta ‘ari ‘ana ‘auboda si da dedoi ta si da ‘ewabamu; ta tauna ‘i da waborebore ta bare‘uia ‘i da miatoa.

Isaia 51:23

Ta taudi si unuunumi nimadia ia da sa‘u; taudi si ona iaruiaruaio ‘ena, ‘U da ‘opu‘opu, be ‘enega ‘a da taona: ta guauio ‘u sa‘u bwa‘a na‘ieana, ta ‘eda na‘ieana, taudi si taona ‘edia.

Isaia 49:21

Ga ‘oio ‘u da ona ‘atemuia, Iaita getedi ‘i enatunedi ‘eguia, natuguao si ‘ewedi ta ‘enega, ta ‘abo‘agu ia mia tebweugu, ia mia apwesa, ta ia lopilidadana? ta iaita getedi ‘i ‘amwamwedi? Wa ‘ita, si pilisinegu ga tebweugu; getedi, mwa‘o si miami?

Isaia 9:4

‘Ana ‘a‘ara ‘ana ‘ebe‘a‘ara, ta ‘arana ‘ina guna, ‘ana to didiga ‘ina keweliwelili, ni‘atu ‘u lasedi ta ‘enega na‘ieana Midiana ‘ana asiata.

Isaia 10:27

Ta gete ‘i da apwesa asiata gote ‘enega, ‘ina bwagila ‘aramuiega ‘i da tauia, ta ‘ina ‘ebe‘a‘ara ‘otomuiega, ta ‘ebe‘a‘ara nina ‘i da saoora bunama manuna.

Isaia 14:25

Goma Asiria ia da weari ‘igu ‘asa ‘enaia, ta ‘igu ‘oea ‘edia ia da ‘aiaina: ga ‘ina ‘ebe‘ara ‘i da pilisinedi, ta ‘ana ‘a‘ara ‘aradiega ‘i da tauiawa.

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.