Isaia 50:10 - Buki Tabu Lowaenei 1919

¹⁰ Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Isaia 50:10 Referans Kwoze

Salamo 23:4

Tamo, ‘abo mwawasa iauiaukwina ‘ina sa‘ara ia rubwarena, Gea‘abo ‘e bweu to‘umalina ia da matamataute; ‘oio ma‘ieagu ta ‘enega: ‘Imu guna ta ‘imu keweliwelili, taudi si gieguausoarigu.

Isaia 9:2

Tomota guguioi ‘ena si lopilidadana ni‘atu ma‘edana sinabwana si ‘itena: taudi mwawasa ‘ana iauiaukwa ‘ina ‘asa ‘ena si miami, ma‘edana ‘edia ‘i sae.

Salamo 25:14

Ieoba ‘ina nuena ‘i miami taudi si matautena ‘edia; Ta ‘ina ona‘upa‘upa ‘i da e‘itedi.

Salamo 42:11

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna, Tauna maninigu ‘ina ‘ebebobo‘ana, ta ‘igu Eaubada.

Salamo 28:7

Ieoba tauna ‘igu waiwai ta ‘igu lawa; ‘Ategu ni‘atu ‘ena i ‘emisa, ta leme ia ‘ewena: Ta ‘enega ‘ategu ‘i guausoara sinabwana; Ta ‘igu wariega ia da tupuna.

Isaia 53:11

Iaruiaruana ‘ina edadama ‘i da ‘ita, ta sawesawenaia: ‘ina sinasinapuiega ‘igu toguinua paruparu iauiaudi ‘i da ‘awaparuparuiedi: ta ‘idi bubuna bokobokodi ‘i da ‘a‘ara.

Isaia 50:4

‘Inapwana Eaubada tonono e‘ita meiadi ni‘atu i ‘ebwaegu, be ‘enega ia da mwaratoni be tauna ‘i lo‘ame‘ame ia da gi‘ete ona ‘ediega: gonagona be gonagona ‘i lowanowanogu, tenagu ‘i lowanowanona be ‘i nono nadigega to nono e‘ita

Salamo 25:12

To tai Ieoba ‘i matautena? Tauna ‘i da e‘ita ‘eda i ‘esinuena ‘enaia.

Salamo 128:1

Tauna ‘e bweuna ‘e bweuna Ieoba ‘i amaiabena tauna ma‘ina guausoara, Tauna ‘ina ‘edao ‘ediega ‘i tautauia.

Salamo 111:10

Ieoba ‘ana matauta tauna sinasinapu ‘ana nugana; Iauiaudi si guinuedi ‘aredi bobo‘ana: ‘Ana tuputupu ‘i mia ‘ataia.

Salamo 62:8

‘Omi tomota, tuta iauiauna ‘ena wa da ‘emisa; ‘Atemi wa da siwa matanaia: Eaubada ‘ebedena manuda. (Sela.)

Salamo 145:21

‘Awagu Ieoba ‘ana tuputupu ‘i da ‘inanena; Ta esio iauiauna ‘ana esana tabu si da onaobobomena ‘ataia ta ‘ataia.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 59:9

Ta ‘enega loina ‘i mia ‘edasora ‘edega, wate bubuna paruparu nigea ‘i pili ‘eweda: ma‘edana ta ‘ebesa, ta guguioi ta ‘itena; tuiaiara ta ‘ebesa, ta umauma ‘ena ta tautauia.

Isaia 10:20

Ta gete ‘i da apwesa asiata gote ‘enega, ‘aene Iseraela tupwana, ta taudi susu Iakobo si denadena, gea‘abo wate tauna ‘i unuunudi ‘ena si da ‘emisa; ta Ieoba, Iseraela ‘ina Tabu Tebweuna, tauna ‘ena si da ‘emisa ‘ai‘aila.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 26:9

Iaruiaruagu ‘enega ‘oio ia nuanuana boiboi; tamo, iaruiaruagu soraguia ‘enega ia da ‘ebesa maniniemu: ‘ena ‘imu loina bare‘uia si miami ta ‘enega, gabura ‘ana tomi bubuna paruparu si nonona.

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.