Isaia 5:17 - Buki Tabu Lowaenei 1919

¹⁷ Ga lamiao si da ‘e‘ai na‘ieana ‘adi pwatura ‘enaia, ta taudi si momonana ‘idi esena miadaita to‘u‘umara si da ‘enina.

Isaia 5:17 Referans Kwoze

Isaia 7:25

Ta ‘oea iauiaudi si gesoa ‘ebesalega, gea‘abo ‘ena ‘u da mai kaiwe taritaridi ta kwakwakwara ‘adi matauta manuna, ta ‘i da bulomakau ‘idi apwesa manuna, ta sipi ‘idi ‘aiaina manuna.

Isaia 65:10

Ta Sarona ‘i da sipiao ‘idi ‘ebe‘e‘ai, ta sa‘ara Akora ‘i da esena ‘ebe‘eno bulomakau manudi, ‘igu tomota manudi taudi si ‘ebesegu.

Isaia 40:11

‘Ina sipiao ‘i da e‘enidi to‐‘ita‘i‘isi‐sipi ‘atua, ‘ina lamiao ‘i da egogona nimana ‘enaia, ta lumalumana ‘ena ‘i da ‘a‘aridi, ta taudi si giesusu ‘i da ‘au‘ewa manua‘edi.

Isaia 32:14

Anua esaesa si da e‘idi‘idia ta ‘enega; ‘asa tomoiauiau si da pilisinena; ‘oea ta anua ‘ebe‘ita‘i‘isi si da egaula ‘ataia, ‘ase bomitawa ‘idi ‘ebeguausoara, sipi iau ‘adi ‘ebe‘e‘ai;

Isaia 17:2

Aroera ‘ina ‘asa ni‘atu si pilisinedi: si da sipi iau manudi, taudi si da ‘eno, ta gea‘abo ‘e bweu ‘i da giematautedi.

Isaia 10:16

Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Isaia 1:7

‘Imi esena ‘i waborebore; ‘imi ‘asa si e‘arasi aweiega; ‘imi bwa‘a, to‘u‘umara si ‘enina matamia, ta ‘i waborebore, ‘atua to‘u‘umara si ‘ulamwa‘utena.

Salamo 119:70

‘Atedi ‘i momonana iapa ‘atua; Ta ‘abo‘agu ‘imu loina ‘ena ia guausoara.

Salamo 73:7

Matadi si dunedune iapega: ‘Atedi ‘idi nuanua ‘i maa‘apu‘apu.

Salamo 17:14

Tai ‘ediega, nimamuiega, Ieoba ie, Gabura ‘ina tai ‘ediega, taudi ‘adi ‘egu‘eguiai tuta gete ‘ena, Ta gamwadi ‘u loemae ‘imu gwegweiega: Nuadi ‘i bobo‘ana gogama manudi, Ta ‘idi gwegwe tupwana si pilisinena meameadi ‘edia.

Salamo 17:10

Iapadi ‘ena si miabodena: ‘Awadiega si ona gagasa.