Isaia 49:9 - Buki Tabu Lowaenei 1919

⁹ Be ioniionidi ‘edia ‘u da gwae, Wa da apwesawa; tomia guguioi ‘edia, Wa da e‘ita‘emi. Si da ‘e‘ai ‘eda ‘ediega, ta ‘oea bwa‘adaisidimo iauiauna ‘adi ‘e‘ai ‘edia ‘i da miami.

Isaia 49:9 Referans Kwoze

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Isaia 42:7

Be mata kebokebodi ‘i da gigege, ioniionidi ‘i da me‘edi gogorega, ta taudi si miatoa guguioi ‘ena anua ‘ebeionega.

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Isaia 41:18

‘Oea daisidimo ‘edia boasi‐daudauna ia da gigege, ta wewerupwao sa‘ara gamwagamwanidia: mitawa ia da bubuna be ‘i sewasewa boasi, ta bwa‘a iadaiadana wewerupwa‐boasi.

Isaia 9:2

Tomota guguioi ‘ena si lopilidadana ni‘atu ma‘edana sinabwana si ‘itena: taudi mwawasa ‘ana iauiaukwa ‘ina ‘asa ‘ena si miami, ma‘edana ‘edia ‘i sae.

Salamo 102:20

Sabi nono ioniionina ‘ina eiawasilagalaga; Sabi li‘amidi mwawasa natunao;

Salamo 69:33

Ieoba gomabeso ‘i nonodi, Ta ‘ina ioniionidi nigea ‘i sinaridi.

Isaia 65:13

Ta ‘enega gete nadigega ‘Inapwana Eaubada ‘i gwae, Wa ‘ita, ‘igu to‐guinuao si da ‘e‘ai, ta wa da botana: wa ‘ita, ‘igu toguinuao si da numa, ta ‘omi tona‘ami ‘i da iapasa: wa ‘ita, ‘igu to‐guinuao si da guausoara, ta ‘omi wa da omaiamaia:

Isaia 5:17

Ga lamiao si da ‘e‘ai na‘ieana ‘adi pwatura ‘enaia, ta taudi si momonana ‘idi esena miadaita to‘u‘umara si da ‘enina.

Salamo 146:7

Tauna etara ‘i bubuna to mia mwa‘uta manudi; Tauna masura to botana i ‘ebwaedi: Ieoba ioniionidi ‘i li‘amidi;

Salamo 22:26

Taudi ‘idi bubuna nuana si da ‘e‘ai ga sawesawedia: ‘Atemi ‘i da mia ataia.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Loina 25:54

Ta ‘abo nigea iage getedi si da li‘amina, ga ‘i da apwesa iakwara iubile ‘enaia, tauna, ta natunao ma‘enao.