Isaia 49:7 - Buki Tabu Lowaenei 1919

⁷ Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 49:7 Referans Kwoze

Isaia 53:3

Tai si sinarina, ta si e‘idi‘idiena; tai ma‘ina dedoi, ta ‘ate‘uiauia ‘i mwaratoni: ta nadigega ‘e bweu ‘enega tai si mia sana‘ila si sinarina, ta nigea ta ‘amaiabena.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 49:1

‘Omi saruiao, wa da nono ‘eguia: ta ‘omi tomota, ‘edasorega wa da nono: Ieoba ‘i bwauiegu gamwega; sinagu dianega ‘agu esana i ‘inana:

Isaia 52:15

Nadigega ‘ebeloina iauna ‘i da loseuseulidi; kiniao ‘awadi si da gibode manuna: iage nigea si etetera ‘edia si da ‘ita ta ‘enega; ta iage nigea si nonona si da mwaratoni.

Isaia 42:1

‘Igu ‘ari‘e wa da ‘ita, tauna a gi‘ete; ‘agu ‘esi‘esinua, tauna ‘ena iaruiaruagu ‘i guausoara: iaruiaruagu ia sa‘u ‘enaia; etara ‘i da me‘ena ‘Asa‐apwesa ‘edia.

Isaia 60:10

Ta to‘u‘umarao ‘imi ‘ari‐gurewa si da ‘abidi, ta ‘idi kiniao ‘emuia si da guinua: ‘igu gamwasoarega ia unuio ta ‘enega, ta ‘igu nuabobo‘anega ia ‘atenua‘ole‘olemu.

Isaia 60:3

Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 50:6

Guaugu ia tagwarena to‐sapi ‘edia, ta aseaseguao taudi ‘uia‘uiagu si lisi ‘iwena ‘edia: maninigu nigea ia kwaiena ‘omaiamaiega ta giwagiwarega.

Isaia 48:7

Gete ‘enega ia mweruruidi, ta nigea lowaeneiega; ta asiata gete nuganaia nigea ‘u nonodi; ‘abona nai ‘u da gwae, U ‘ita, ia mwaratonidi.

Salamo 68:31

‘Inapwanao Aigupitoega si da apwesama; Aitiopia si da pili be nimadi si da iasitoto Eaubada ‘enaia.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Salamo 69:19

‘Agu elia, ta ‘agu omaiamaia, ta ‘agu ‘ebesinara ‘u mwaratonidi; ‘Agu tarauwarao matamuia si miami iauiaudi.

Nugana 27:29

Tomota emuia si da guinua, Ta ‘asa ‘emuia si da bwagobwago: Tasimuao ‘edia ‘u da e ‘inapwana, Ta sinaio natunao me‘olotodi ‘emuia si da bwagobwago: Iauiauna ‘i eliemu si da eliena, Ta iauiauna ‘i onaobobomeio si da onaobobomena.

Salamo 47:9

Tomota ‘idi ‘inapwanao si egogona Aberaamo ‘ina Eaubada ‘ina tomota: Bare‘u ‘ana lawaiao Eaubada ‘ina iage ta ‘enega; Tauna ‘i mia To ‘Etana sana.

Isaia 14:1

Ieoba ‘i da ‘atenua‘ole‘ole Iakobo ‘enaia ta ‘enega, ta Iseraela ‘i da ‘esinuei, ta ‘idi ‘asa taudi ‘ena ‘i da sa‘udi: ta to‘u‘umara ‘i da mai sabi mia ma‘edi, ta Iakobo ‘ina susu ‘ena si da miaiai.

Isaia 19:21

Ta Ieoba ‘i da e‘ita‘ena tauna Aigupito ‘enaia, ta me Aigupito Ieoba si da mwaratonina asiata gote; tamo, si da bwagobwago taria ta ‘ebwaeadaita ‘ediega, ta ona‘upa‘upa si da ona‘upa‘upa‘ena Ieoba ‘enaia, ta si da guinuena.

Isaia 19:23

Asiata gote ‘eda sinabwana ‘i da miami Aigupitoega ga Asiria ‘enaia, ta goma Asiria ‘i da mai Aigupito ‘enaia, ta goma Aigupito Asiria ‘enaia; ta me Aigupito si da bwagobwago me Asiria ma‘ediao.

Isaia 27:13

Ta gete ‘i da apwesa asiata gote, ioguli sinabwana si da mu‘e; ta taudi ‘i abe si saoora ‘asa Asiria ‘enaia, ta taudi si mia apwesa ‘asa Aigupito ‘enaia, si da mai; ta Ieoba ‘ena si da bwagobwago Ierusalema ‘ina ‘oea tabu ‘enaia.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 66:23

Ta gete ‘i da apwesa, nawarae auauna ‘e bweuna ga ‘e ruena, ta sabate ‘e bweuna ga ‘e ruena, esio iauiauna si da mai sabi bwagobwago mataguia, Ieoba ‘i gwae.