Isaia 49:25 - Buki Tabu Lowaenei 1919

²⁵ Ta gete nadigega Ieoba ‘i gwae, Tuga to ewaiwai ‘idi ioniionidi si da ‘ewedi, ta to didiga ‘idi iage oae si da ‘etoseedi: ‘abo‘agu ia da e‘upwa tauna ‘i e‘upwa ma‘ieaio ma‘ieana, ta natumuao ia da ‘etoseedi.

Isaia 49:25 Referans Kwoze

Isaia 35:4

To ‘atesa‘ara wa da eonedi, Wa da ewaiwai, gea‘abo wa ‘atesa‘ara: wa ‘ita, ‘imi Eaubada ‘i da mai e‘isega, Eaubada ‘ina tamapuiega; ‘I da mai ta ‘i da ‘etoseemi.

Isaia 54:13

Ta natumuao iauiaudi si da Ieoba ‘ina disaipeliao; ta natumuao ‘idi guguia ‘i da sinabwara.

Isaia 14:2

Ta tomota si da ‘ewedi, ta si da me‘edi ‘idi esena ‘enaia: ta Iseraela ‘ina susu ‘i da giiaidi Ieoba ‘ina ‘asa ‘ena to‐guinua me‘olotodi ta to guinua mewainedi manudi: ta taudi lowa ioniionidi ‘edia, taudi si da ionidi; taudi lowa si unudi ‘edia si da loina.

Isaia 10:27

Ta gete ‘i da apwesa asiata gote ‘enega, ‘ina bwagila ‘aramuiega ‘i da tauia, ta ‘ina ‘ebe‘a‘ara ‘otomuiega, ta ‘ebe‘a‘ara nina ‘i da saoora bunama manuna.

Nugana 12:3

ta taudi si onaobobomeio ia da onaobobomedi, ta tauna ‘i eliemu ia da eliena: ta ‘emuiega bare‘u ‘ina susu iauiauna si da eguausoara.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Salamo 35:1

Ieoba ie, taudi ma‘eguao ‘a e‘upwa ma‘edi ‘u da e‘upwa: Taudi ‘eguia si losaia ‘edia ‘u da losaia.

Isaia 5:29

‘Idi bwau toila ‘i da, nadigega laione, si da bwau toila ‘atua laione menonoiadi: tamo, si da bwau toila, ta to esilae ‘ena si da giiaina, ta si da ‘ewa iaulei ‘ai‘aila, ta gea‘abo ‘e bweu ‘i da ‘eto‘etoseana.

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 14:1

Ieoba ‘i da ‘atenua‘ole‘ole Iakobo ‘enaia ta ‘enega, ta Iseraela ‘i da ‘esinuei, ta ‘idi ‘asa taudi ‘ena ‘i da sa‘udi: ta to‘u‘umara ‘i da mai sabi mia ma‘edi, ta Iakobo ‘ina susu ‘ena si da miaiai.

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 40:2

Ierusalema ‘atena ‘ena wa da ona, ta ‘ena wa da bwau, ‘ana tuta saia ni‘atu ‘i gumwara, ‘ina bubuna bokobokona ni‘atu ‘i kweu; ni‘atu Ieoba nimanega ‘e rua si ‘ewena ‘ina loegesi iauiauna manudi.

Isaia 51:22

Gete nadigega ‘imu ‘Inapwana Ieoba ‘i gwae, ta ‘imu Eaubada tauna ‘ina tomota manudi ‘i ona leme, U ‘ita, keiga logadogado nimamuiega ia ‘ewena, tuga ‘igu egamwagamwagu keigana gaebana; gea‘abo wate ‘u da numa limena:

Loina 25:54

Ta ‘abo nigea iage getedi si da li‘amina, ga ‘i da apwesa iakwara iubile ‘enaia, tauna, ta natunao ma‘enao.

Isaia 51:14

To mia apwesa ioniionina ‘i da li‘ami manini: ta gea‘abo ‘i da mwawasa be ‘i mwa‘uta gaulaia, nai ‘ina masura ‘i da gumwara.