Isaia 48:3 - Buki Tabu Lowaenei 1919

³ Gimi iage ni‘atu ia simanedi lowaeneiega: tamo, ‘awaguiega si apwesawa, ta ia e‘itedi: manini ia guinuedi, ta si apwesa.

Isaia 48:3 Referans Kwoze

Isaia 42:9

Wa ‘ita, gimi iage ni‘atu si apwesa, ta iage auaudi ia simana: ‘idi apwesama nuganinaia ia simanedi ‘emia.

Isaia 41:22

Si da ‘au‘ewedima, ta ‘emaia si da simana to‘ase ‘i da apwesa: gimi iage wa da simana ‘emaia, to‘ase taudi, be ‘a da nuedi, ta ‘idi ‘ebelosaroni ‘a da mwaratoni; nai ‘emaia wa da e‘ita iage si da mai.

Isaia 45:21

Wa da simana, ta wa da apwesenama; tamo, si da onaona rererea: ‘iaita gete ‘i e‘ita tuta lowaeneiega? Iaita ‘i simana lowaeneiega? nigea nai ‘Abo‘agu Ieoba? ta nigea wate ‘e bweu Eaubada tebweugumo; Eaubada loina ‘ai‘ailina ta to‐‘etoseana: nigea wate ‘e bweu tebweugumo:

Isaia 43:9

‘Ebeloinao iauiaudi si da egogona rererea, ta tomota si da deriegogona: iaita ‘edia ‘i ewaiwai be gete ‘i da simana, ta gimi iageao ‘i da e‘ita ‘edaia? ‘adi to ‘itao si da me‘edi, be ‘enega si da eparuparu; nai si da nono, ta si da gwae, Tauna ona‘ai‘aila.

Isaia 37:7

Wa ‘ita, iaruiarua ia da sa‘u rugu ‘enaia, ta ‘are ‘i da nonona, ta ‘ina ‘asa tauna ‘ena ‘i da ‘ila; ta ia da loina be sisisaiega ‘i da be‘u tauna ‘ina ‘asa ‘enaia.

Isaia 37:29

‘Imu egamwagamwagu ‘eguia leleana, ta ‘imu gagasa tenagu ‘edia ‘i tu‘ema manuna, ta ‘enega ‘igu dilu ubusuio ‘ena ia da sa‘u, ta ‘igu ‘ebe‘etobode sopaio ‘edia, ta ia da giesana‘ileio ‘eda ‘enega ‘u mai.

Isaia 29:5

Ta ‘amu tarauwarao ‘adi iau si da kau matagidarina na‘ieana, ta to‐didigao ‘adi iau na‘ieana witibwarana ‘i sawasawara: tamo, ‘i da apwesama manini.

Isaia 30:13

Ta ‘enega bubuna bokobokona gete ‘i da nadigega weara i ‘abe ‘i be‘u ‘emia, ‘i sinasinabwa ‘arigurewa ‘etosora ‘enaia, tauna ‘ina weara ‘i lomaninisanama.

Isaia 41:27

Nugana ia da ona Siona ‘ena, Wa ‘ita, wa ‘itedi; ta ‘e bweu tetera bobo‘ana ‘i me‘ena Ierusalema ‘ena ia da ‘ebwaea.