Isaia 48:18 - Buki Tabu Lowaenei 1919

¹⁸ ‘Eguma ‘igu ona ni‘atu ‘u nonodi! ga ‘imu guguia ‘i da boasi‘awa ‘atua, ta ‘imu bubuna paruparu ora ‘ina lisuiao nadigega:

Isaia 48:18 Referans Kwoze

Isaia 66:12

Gete nadigega Ieoba ‘i gwae ta ‘enega, Wa ‘ita, guguia ia da ginao ‘enaia ‘atua boasi‘awana, ta ‘ebeloinao ‘idi esaesa boasi‘awana ‘i maa‘apu‘apu ‘atua, ta ‘enega wa da esusu; si da sumwagidimi, ta si da giesuiasuiami ‘aetubwe ‘edia.

Salamo 119:165

Taudi ‘imu loina si obobomena guguia sinabwana si ‘ewa; Ta nigea ‘e bweu ‘idi ‘ebeesetupe.

Isaia 45:8

‘Omi garewao, wa da pesuma, ‘etanega, ta garewa bubuna paruparu ‘i da siwa mwa‘utena: bare‘u ‘i da egegena, be ‘enega ‘etoseana si da uaua, ta bubuna paruparu ‘i da gietabwa rererea; ‘Abo‘agu Ieoba ni‘atu ia mweruruina.

Salamo 36:8

Si da bobo‘ana wawasae ‘imu anua iapana ‘enega; Ta ‘u da enumedi ‘imu guausoara ‘adi boasi ununega.

Isaia 33:21

Ta ‘ena Ieoba ma‘eda ‘ina esaesa ‘enega, boasi‘awana bababadi ta boasi daudauna ‘idi esena; ‘ena gea‘abo ‘e bweu waga ma‘ina nea ‘i da tauia, nai waga esaesa ‘i da taona ‘enega.

Isaia 42:24

Iaita Iakobo i ‘ebwaea ‘ebe‘oae manuna, ta Iseraela to‘ipwara ‘edia? nigea Ieoba nai? Tauna ‘ena ni‘atu ta loegesi, ta tauna ‘ina ‘edao nigea ‘edia si da tauia, nai ‘ina e‘ita ‘ena si ematamatana.

Isaia 54:13

Ta natumuao iauiaudi si da Ieoba ‘ina disaipeliao; ta natumuao ‘idi guguia ‘i da sinabwara.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 61:11

Na‘ieana bare‘u tupwa ‘i gietabwa ta ‘enega, ta nadigega bagura iage si lelewana ‘enaia ‘i gietabwa; nadigega ‘Inapwana Eaubada bubuna paruparu ta lotuputupu ‘i da giesinabwa ‘ebeloina iauiauna matadia.

Isaia 62:1

Siona manuna gea‘abo ia da enono, ta Ierusalema manuna gea‘abo ia da eiawai‘ata, ga ‘ina bubuna paruparu ‘i apwesawa na‘ieana tuiaiara, ta ‘ana ‘etoseana na‘ieana maiare i ‘ara‘arata.