Biblia Todo Logo
Bib sou entènèt

- Piblisite -




Isaia 48:17 - Buki Tabu Lowaenei 1919

17 Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Gade chapit la Kopi




Isaia 48:17
32 Referans Kwoze  

Ia da giemwaratonio ta ia da e‘itaio ‘eda ‘enega ‘u da tauia: Ia da eonaio matagu ‘emuia ‘enega.


To tai Ieoba ‘i matautena? Tauna ‘i da e‘ita ‘eda i ‘esinuena ‘enaia.


Ta ‘abo ‘Inapwana mia to‘umalina ‘ana masura i ‘ebwaemi, ta elo‘uia ‘ana boasi, ta gea‘abo ‘imu to e‘itao si da miakwaia wate, ta mataio ‘imu to e‘itao si da ‘ita:


‘Imu nuanua ‘enega ‘u da nuganegu, Ta muriega esaesa ‘ena ‘u da ‘au‘ewegu.


Ta natumuao iauiaudi si da Ieoba ‘ina disaipeliao; ta natumuao ‘idi guguia ‘i da sinabwara.


Eaubada ie, ‘igu tubuauiega ‘u e‘itegu; Ta tuta gote ga batua ‘imu guinua ‘ebenuaowana ni‘atu ia simanedi.


‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.


Gete nadigega Ieoba ‘i gwae, tauna ‘eda ‘i bubuna oraia, ta ‘eda gilelena boasi waiwai ‘edia;


Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.


Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.


Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.


Ieoba, ‘imi to‐‘ewalimana, Iseraela ‘ina Tabu Tebweuna, gete nadigega ‘i gwae; Leleami Babulonia ‘ena ia etune, ta iauiaudi ia da ‘au‘ewa mwa‘utedi to denadena ‘atua, tuga me Kalidea, ‘idi guausoara ‘idi waga ‘edia.


Ta ia bwagobwago, ta Ieoba ‘ena ia tapwaroro, ta Ieoba, ‘igu ‘inapwana Aberaamo ‘ina Eaubada, ia tupuna, tauna i ‘au‘ewegu ‘eda ‘ai‘aila ‘ena be ‘igu ‘inapwana tasina natuna me wainena ia ‘ewena natuna me‘olotona manuna.


Sinasinapu ‘i da e‘ita iaita ‘enaia? ta ‘are ‘i da e‘ita iaita ‘enaia? Taudi nai susuiega si gagidi, ta susu matadiega si lisidi?


Ta tenamuao ona si da nono guaumuia, ‘i da gwae, Gete ‘eda nina, ‘ena wa da tauia; ‘ena wa sana‘ila ‘ataimi ‘ena, ta ‘ena wa sana‘ila gegeumimi ‘ena.


Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.


Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.


Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.


Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.


Swiv nou:

Piblisite


Piblisite