Isaia 48:1 - Buki Tabu Lowaenei 1919

¹ Iakobo ‘ina susu ie, gete wa da nono, taudi ‘adi esana Iseraela, ta Iuda ‘ina boasiao ‘ediega si apwesama; taudi si ona‘upa‘upa Ieoba ‘ana esanega, ta Iseraela ‘ina Eaubada si ‘inana, ta nigea ona ‘ai‘ailega, nai bubuna paruparuiega.

Isaia 48:1 Referans Kwoze

Salamo 68:26

Eaubada wa da tupuna derie gogona ‘edia, Tuga ‘Inapwana, ‘omi Iseraela ‘ina boasi ‘apwa‘apwaiama ‘enega.

Isaia 65:16

Ta ‘enega tauna ‘i onaobobomena tauna bare‘uia ‘i da onaobobomena tauna Emeni ‘ina Eaubada ‘enega: ta tauna ‘i ona‘upa‘upa bare‘uia ‘i da ona‘upa‘upa Emeni ‘ina Eaubada ‘enega; gimi iage ‘ebeloniu si nuapupuredi ta ‘enega, ta si miakwaia matagu ‘ediega ta ‘enega.

Nugana 32:28

Ta ‘i ona, ‘Amu esana gea‘abo si ‘inanena ‘aene Iakobo, ta Iseraela: Eaubada ma‘ieana ta tomota ma‘edi wa e‘upwa ta ‘enega, ta ‘u ewaiwai.

Isaia 62:8

Ieoba ni‘atu ‘i ona‘upa‘upa atainega, ta ‘ina waiwai nimanega, Ona‘ai‘aila ‘imu witi nigea wate ia da ‘ebwaea be ‘i da emasura ‘amu tarauwarao manudi; ta to‘u‘umara gea‘abo ‘imu oineuana si da numena, tauna manuna ni‘atu ‘u guinua:

Isaia 58:2

Ta asiata iauna si ‘ebesegu tuga, ta si ‘uiawana ‘igu ‘eda si mwaratonidi manuna: ‘atua ‘asa bubuna paruparu si guinua, ta ‘idi Eaubada ‘ina loina nigea si e‘idi‘idia, loina paruparuiao si eonegu, si ‘uiawana ‘idi doro Eaubada serabenaia.

Isaia 45:23

Tebweugu ‘enega ia ona‘upa‘upa, ona ni‘atu ‘awaguiega ‘i apwesa bubuna paruparunega, ta gea‘abo ‘i da ‘ila, ‘aene ‘eguia ‘ae iauiauna si da tulasena, meia iauna si da ona‘upa‘upa.

Isaia 44:5

‘E bweu ‘i da gwae, ‘Abo‘agu Ieoba ‘ina tai; ta wate ‘e bweu ‘i da eesena tauna Iakobo ‘ana esanega; ta wate ‘e bweu ‘i da ‘etoladi nimanega Ieoba ‘enaia, ta ‘i da eesena tauna Iseraela esanega.

Isaia 26:13

Ieoba ie ‘ima Eaubada, mari ‘inapwanao ta ‘oio nigea, ni‘atu si loina ‘emaia; ta tebweuio ‘emuiega ‘amu esana ‘a da ‘inana.

Salamo 66:3

Eaubada ‘ena ‘u da ona, ‘Imu guinuao si didiga! ‘Imu waiwai ‘ana sinabwa ‘enega ‘amu tarauwarao ‘emuia si da tagwaredi.

Salamo 63:11

Ta king ‘i da eguausoara Eaubada ‘enaia: ‘Ebweuna ‘ebweuna tauna ‘enega ‘i ona‘upa‘upa ‘i da tuputupu; Taudi si onaona kabokabo ‘awadi ‘i da pota ta ‘enega.

Loina 19:12

Ta gea‘abo ‘agu esanega wa onaona‘upa‘upa kabokabo, be nadigega ‘imu Eaubada ‘ana esana wa gibesobeso: ‘Abo‘agu Ieoba.

Si Apwesa 23:13

Ta iage iauiauna ‘ediega ‘emia ni‘atu ia oneone wa da nono‘i‘isi: ta mari eaubadao ‘adi esana gea‘abo wa ‘inana, wate gea‘abo ‘awamiega si da nonona.

Nugana 35:10

Ta Eaubada ‘i ona ‘enaia, ‘Amu esana Iakobo: gea‘abo wate ‘amu esana si da ‘ina‘inana Iakobo, ta ‘amu esana Iseraela: ta ‘i eesena Iseraela.

Isaia 46:12

Omi to‘atepatu, bubuna paruparuiega wa mia ‘edasora, ‘eguia wa da nono:

Isaia 64:6

Iauiauma ni‘atu nadigega ‘e bweu ‘i baila ta ‘enega, ta ‘ima bubuna paruparu iauiaudi nadigega ‘oama mabi‘ina: ta iauiauma ‘a medamedara kaiwe iawana ‘atua; ta ‘ima bubuna bokobokoiao, nadigega iagila, si tauieda.

Salamo 68:27

Beniamina gidarina gote ‘idi to loina, Iuda ‘ina ‘inapwanao ta ‘idi boda, Sebulona ‘ina ‘inapwanao, Napatali ‘ina ‘inapwanao.

Isaia 51:1

‘Eguia wa da nono, ‘omi bubuna paruparu wa muria, ‘omi Ieoba wa ‘ebesa: gurewa ‘enega si taimi ‘ena wa da ‘ita, ta gaula ‘arena ‘enega si salemi.

Isaia 51:2

Aberaamo tamami ‘ena wa da ‘ita, ta sinami Sara ‘enaia; ‘ena tauna ‘e bweunamo ia bwauiena ta ‘enega, ta ia ona obobomena, ta ia gieiauiena.