Isaia 47:6 - Buki Tabu Lowaenei 1919

⁶ ‘Igu tomota ‘edia ia gamwasoara, ‘igu ‘egu‘eguia ia gibesobeso, ta ia tagwaredi nimamuia: nigea u ‘atenua‘ole‘oleiedi; kaikaiiaredi ‘edia ‘imu ‘a‘ara ‘u sa‘u tomwausana.

Isaia 47:6 Referans Kwoze

Salamo 69:26

Tauna ‘u sapina si gieedeededona; Ta taudi ‘u unuunudi ‘idi elo‘uia si simanena.

Isaia 14:17

Tauna bare‘u ‘i bubuna ioiodaita ‘atua, ta ‘ina ‘asa i ‘ausepara mwa‘utedi; tauna ‘ina ioniionidi nigea ‘i li‘amidi be si da tauia ‘idi anuaia?

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 43:28

Ta ‘enega anua tabu ‘ina ‘inapwanao ia da gibesobesodi, ta Iakobo ia da bubuna be i ‘e‘ebeelia, ta Iseraela ‘ebeba‘e.

Isaia 13:16

‘Idi gogama meameadi wate si da ‘ula mwa‘utedi be si da lolelewanedi matadia; ‘idi anua si da ‘oaedi, ta mwanenao si da gito‘umaliedi.

Isaia 14:6

Tauna tomota ‘i unudi gamwasoarega unuunu ‘ataia ‘enega, tauna ‘ebeloinao ‘i loinedi gamwasoarega, gieelo‘uia nigea ‘e bweu i ‘etobodena ‘enega.