8 Gete wa da nua‘i‘isi, ta wa da e‘ita‘emi tai: wa da nua‘i‘isi limana, omi to‐li‘oa loinaiao.
Ta ‘u ona, Ia da ilemwaia ‘ataia: ta nadigega iage getedi nigea ‘u sa‘u ‘atemuia, nai ‘ina ‘ebelosaroni ‘u nuena.
Taudi si bubudi si da na‘ieadi; Tamo, ‘e bweuna ‘e bweuna ‘edia i ‘emisa.
Taudi si mweruruidi si da na‘ieadi; Tamo, ‘e bweuna ‘e bweuna i ‘emisedi.
Tamo, nigea ‘u nono; tamo, nigea ‘u mwaratoni; tamo, lowaeneiega tenaio nigea ‘i egegena: ia mwaratoni ta ‘enega ‘u bubu to wasegigi sana, ta si eesemu to‐li‘oaloina gamwa ‘enega.
Gete nadigega Ieoba ‘i gwae, Sinami ‘ina sa‘ila ‘ina ‘etoladi mane, tauna ‘enega ia sa‘ilena? nai to tai ‘igu to iotura ‘ediega ‘ena ia gimwaniemi? Wa ‘ita, ‘imi bubuna bokobokona manudi ia gimwaniemi, ta ‘imi li‘oa‐loina manudi sinami ia sa‘ilena.