Isaia 46:11 - Buki Tabu Lowaenei 1919

¹¹ Manua bosasa ia bwauiena bomatuiega, ‘igu nuena ‘ina tai ‘asa ‘edasorega; tamo, ni‘atu ia ona, wate ia da gieapwesenama; ni‘atu ia loinena, ta wate ia da bubuna.

Isaia 46:11 Referans Kwoze

Isaia 41:2

Iaita ‘e bweuna ‘i gietooro bomatuiega, tauna ‘i bwau bubuna paruparuiega ‘aenaia? ‘ebeloinao i ‘ebwaea matanaia, ta loina kiniao debadia ‘i sa‘u ‘enaia; i ‘ebwaedi kau ‘atua ‘ina sisi‐saia ‘ena, ‘atua sumwana losiesie ‘ana tupu ‘enaia.

Isaia 38:15

To‘ase ia da gwae? Ni‘atu ‘i ona ‘eguia, ta ni‘atu tauna ‘i guinuena ruarua; Ia da tauia manuaegu ‘igu iakwara iauiauna iaruiaruagu ‘ina darere manuna.

Isaia 41:25

‘E bweu ia gietooro iaaratega, ta ni‘atu ‘i mai; sinara ‘ina sae ‘e bweu tauna ‘agu esana i ‘inana: ta to‐loinao ‘edia ‘i da mai na‘ieana bwada ‘enaia, ta na‘ieana tobubu‐‘urena bwa‘a i ‘aiaina.

Salamo 119:24

‘Imu e‘itao wate ‘igu guausoara Ta ‘igu nuanua ‘ina taiao.

Salamo 76:10

Ona ‘ai‘aila tai ‘ina gamwasoara ‘i da tupuio: Gamwasoara tupwana ‘u da logadiwane ‘emuia.

Isaia 45:13

Ia gietoorona bubuna paruparuiega, ta ‘ina ‘eda iauiauna ia da gieparuparu: ‘igu ‘asa ‘i da ‘abina, ta ‘igu tomia to‘u‘umara ‘i da li‘amidi, nigea e‘isa nai tamapu manuna, bodao ‘idi Ieoba ‘i gwae.

Isaia 44:28

Tauna ‘i gwae Koresa manuna, Tauna ‘igu to‐‘ita‘i‘isi‐sipi, ta ‘igu nuena iauiauna ‘i da guinua: tuga Ierusalema manuna ‘i gwae, si da ‘abina; ta anuatabu ‘ena, ‘Imu ‘autui si da sa‘u.

Isaia 18:6

Si da miami rererea ‘oeao ‘idi manua to ‘e‘ai didiga ‘edia, ta bare‘u bomitawana ‘edia: ta manua to ‘e‘ai didiga si da enawarae‐iaiiai ‘edia, ta bare‘u bomitawana iauiaudi si da enawarae‐gogai ‘edia.

Isaia 22:25

Asiata gote, bodao ‘idi Ieoba ‘i gwae, neili nina si ‘etoiaina esena pa‘ara ‘ai‘aila ‘enaia ‘i da ‘iwa iaule; ta si da tara mwa‘uta, ta ‘i da be‘u, ta bwagila ‘ena ‘i miami si da ‘upwa iaule; Ieoba ni‘atu ‘i onena ta ‘enega.

Isaia 37:26

Nigea na ‘u nonona lowaenei ia guinuena, ta gimi tutao ‘ediega ia mweruruina? gete ‘enega ia gieapwesena, be ‘oio ‘u miami be ‘asa ma‘adi ‘arigurewa ‘u giesawaridi ga si esa‘u epopo mudamudaridi.

Isaia 56:9

Iauiaumi mitawa ‘ina iobaiao, wa da mai sabi ‘e‘ai, tamo, iauiaumi iobaiao mitawa ‘enaia.

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.