Isaia 46:1 - Buki Tabu Lowaenei 1919

¹ Belu ‘i bwagobwago, Nebo i ‘opu‘opu; ‘idi tokwaruiao iobai debadia si miami, ta bulomakau debadia: iage wa ‘a‘aradadana si e‘a‘ara, iage mwau iobai oona ‘i nua ‘enaia.

Isaia 46:1 Referans Kwoze

Isaia 21:9

Ta, u ‘ita, gete ‘ena tai mabodana ‘i mai, togeruose ruaruadi. Ta ‘i ona limana ta ‘i gwae, Babulonia ‘i be‘u, ‘i be‘u; ta ‘ina eaubadao ‘idi goamamea daiadaiagidi iauiaudi si ‘episaridi ga bare‘uia.

Isaia 2:20

Asiata gote ‘enega ‘ina tokwarui sileba ta ‘ina tokwarui gola, taudi si mwerurua be ‘edia ‘i da bwagobwago, ‘i da ‘ula iauledi kokolaka be meiaweda ‘edia;

Si Apwesa 12:12

Boiboi gote ‘enega ‘asa Aigupito ia da rubwarena ta ‘enega, ta tomatua iauiaudi ‘asa Aigupito ‘enaia ia da unudi, tai be bulomakau ruarua; ta Aigupito ‘ina eaubada iauiaudi ‘edia loinao ia da guinuedi: ‘Abo‘agu Ieoba.

Isaia 2:18

Ta tokwaruiao si da sawara ‘ai‘aila.

Isaia 30:6

Iarasi ‘ina iobai ‘adi ona. ‘Asa loniu ta elo‘uia, tauna ‘enega laione me wainena ta laione me‘olotona si mai, moata darere ta moata ‘ara‘arata lotaea, ‘asa nina ‘idi gwegwe si ‘ewa rubware ase menonoiadi ‘aradi ‘edia, ta ‘idi oesi kameli guaudi ‘edia, tomota nigea si da giebobo‘anedi ‘edia.

Isaia 45:20

Wa da egogonemi ta wa da mai; wa da egogona serabenaia, ‘omi ‘ebeloinao ‘idi to denadena: taudi ‘idi tokwarui daiagi ‘ina kaiwe si ‘a‘ara nigea ‘e bweu ‘idi ‘ebesinapu, ta si sida eaubada nigea kapekapeana ‘i da ‘etoseedi ‘enaia.

Isaia 46:7

‘A‘aradiega si ‘a‘arina, si ‘a‘arina, ta ‘ina esena ‘ena si sa‘una, ta ‘i tooro; ‘ina esenega gea‘abo ‘i da tauia; tamo, ‘e bweu ‘ena ‘i da bwau, ta nigea kapekapeana ‘i da ona limana, nai ‘ina mia to‘umalina ‘enega ‘i da ‘etoseena.