Isaia 45:3 - Buki Tabu Lowaenei 1919

³ Guguioi ‘ina gwegweao, ta esena kwaia ‘idi oesi kwaia, ia da ‘ebwaemu, be ‘enega ‘u da mwaratoni ‘abo‘agu Ieoba, ‘amu esanega ia bwauiemu, tuga Iseraela ‘ina Eaubada.

Isaia 45:3 Referans Kwoze

Isaia 48:15

‘Abo‘agu, tuga ‘abo‘agu, ni‘atu ia onaona; tamo, ia bwauiena: ni‘atu ia ‘au‘ewenama, ta ‘ina ‘eda ‘i da gibubui be ‘i etologwegwe.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Si Apwesa 33:12

Ta Mose ‘i ona Ieoba ‘enaia, U ‘ita, ‘eguia ‘u ona, Tomota gete ‘u da ‘au‘ewedima: ta nigea ‘u simana ‘eguia iaita ‘u da ‘etunena ma‘ieagu. Ta ‘u ona ni‘atu, ‘Amu esanega ia mwaratonio, ta wate mataguia nua‘ole‘ole ‘u lobena.

Si Apwesa 33:17

Ta Ieoba ‘i ona Mose ‘enaia, Iage gete wate ‘u oneone ia da guinua: mataguia nua‘ole‘ole ‘u lobena ta ‘enega, ta ‘amu esanega ia mwaratonio.

Isaia 49:1

‘Omi saruiao, wa da nono ‘eguia: ta ‘omi tomota, ‘edasorega wa da nono: Ieoba ‘i bwauiegu gamwega; sinagu dianega ‘agu esana i ‘inana:

Isaia 41:23

Iage si da mai murinaia wa da simanedi, be ‘enega ‘a da mwaratoni ‘omi eaubadao: tamo, iage bobo‘ana wa da guinua, nai iage to‘umalina wa da guinua, be ‘enega ‘a da ‘atesa‘ara, ta ‘a da ‘itena rererea.