Isaia 45:23 - Buki Tabu Lowaenei 1919

²³ Tebweugu ‘enega ia ona‘upa‘upa, ona ni‘atu ‘awaguiega ‘i apwesa bubuna paruparunega, ta gea‘abo ‘i da ‘ila, ‘aene ‘eguia ‘ae iauiauna si da tulasena, meia iauna si da ona‘upa‘upa.

Isaia 45:23 Referans Kwoze

Isaia 55:11

Nadigega ‘igu ona tauna ‘awaguiega ‘i apwesa: gea‘abo ‘i da ‘ila daita ‘eguia, ta iage ia nuanuana ‘i da guinua, ta iage ‘ena ia etunena ‘i da loeposeana ‘enaia.

Isaia 65:16

Ta ‘enega tauna ‘i onaobobomena tauna bare‘uia ‘i da onaobobomena tauna Emeni ‘ina Eaubada ‘enega: ta tauna ‘i ona‘upa‘upa bare‘uia ‘i da ona‘upa‘upa Emeni ‘ina Eaubada ‘enega; gimi iage ‘ebeloniu si nuapupuredi ta ‘enega, ta si miakwaia matagu ‘ediega ta ‘enega.

Isaia 45:19

Nigea ia ona kwaia, guguioi ‘ina ‘asa ‘ina esena ‘enaia; nigea ia ona Iakobo tubunao ‘edia, Wa da ‘ebesa iogenegu; ‘Abo‘agu Ieoba bubuna paruparu ia oneone, iage si paruparu ia simana.

Salamo 132:2

Ieoba ‘ena i ‘inana, Ta Iakobo ‘ina To‐ewaiwai Tebweuna ‘ena ‘i ona‘upa‘upa:

Salamo 63:11

Ta king ‘i da eguausoara Eaubada ‘enaia: ‘Ebweuna ‘ebweuna tauna ‘enega ‘i ona‘upa‘upa ‘i da tuputupu; Taudi si onaona kabokabo ‘awadi ‘i da pota ta ‘enega.

Nugana 31:53

Aberaamo ‘ina Eaubada, Naora ‘ina Eaubada, tubudi ‘idi Eaubada, ‘i da loina mwatuidaia. Ta Iakobo ‘i ona‘upa‘upa tamana Isaako ‘ina ‘Ebematauta ‘enega.

Isaia 48:1

Iakobo ‘ina susu ie, gete wa da nono, taudi ‘adi esana Iseraela, ta Iuda ‘ina boasiao ‘ediega si apwesama; taudi si ona‘upa‘upa Ieoba ‘ana esanega, ta Iseraela ‘ina Eaubada si ‘inana, ta nigea ona ‘ai‘ailega, nai bubuna paruparuiega.

Isaia 49:18

Wa da dunedune tu‘e dadana, ta wa da ‘ita: iauiaudi getedi si egogona rererea, ta si mai ‘emuia. Maiawasigu, Ieoba ‘i gwae, ‘u da e‘ote‘ai‘ailiio iauiaudi ‘ediega na‘ieana ‘ebeiarega, ta ‘u da logadiwaniio ‘ediega, nadigega to ai mewainena.

Isaia 60:14

Ta taudi si unuio natudiao me‘olotodi ‘emuia si da mai bwagobwago; ta iauiaudi si sinariio si da a‘opu‘opu ‘aeiapaiapamuao ‘edia; ta si da eesemu Ieoba ‘ina asa, Iseraela ‘ina Tabu Tebweuna ‘ina Siona.

Isaia 61:11

Na‘ieana bare‘u tupwa ‘i gietabwa ta ‘enega, ta nadigega bagura iage si lelewana ‘enaia ‘i gietabwa; nadigega ‘Inapwana Eaubada bubuna paruparu ta lotuputupu ‘i da giesinabwa ‘ebeloina iauiauna matadia.

Isaia 62:8

Ieoba ni‘atu ‘i ona‘upa‘upa atainega, ta ‘ina waiwai nimanega, Ona‘ai‘aila ‘imu witi nigea wate ia da ‘ebwaea be ‘i da emasura ‘amu tarauwarao manudi; ta to‘u‘umara gea‘abo ‘imu oineuana si da numena, tauna manuna ni‘atu ‘u guinua:

Salamo 98:2

Ieoba ‘ina ‘etoseana ni‘atu ‘i gieapwesa: ‘Ina bubuna paruparu ni‘atu ‘i e‘ita apwesaia ‘ebeloinao matadia.

Isaia 21:17

Ta to‐tupu ‘adi iau tupwana, Kedara natunao ‘idi tai waiwai, si da pu‘epu‘e: Ieoba, Iseraela ‘ina Eaubada, ni‘atu ‘i onena.