Isaia 45:22 - Buki Tabu Lowaenei 1919

²² Wa da ‘ita ‘eguia, ta wa da bobo‘ana, bare‘u ‘ina ‘ebelosaroniao iauiaumi: ‘abo‘agu Eaubada ta ‘enega, ta nigea wate ‘e bweu.

Isaia 45:22 Referans Kwoze

Isaia 45:21

Wa da simana, ta wa da apwesenama; tamo, si da onaona rererea: ‘iaita gete ‘i e‘ita tuta lowaeneiega? Iaita ‘i simana lowaeneiega? nigea nai ‘Abo‘agu Ieoba? ta nigea wate ‘e bweu Eaubada tebweugumo; Eaubada loina ‘ai‘ailina ta to‐‘etoseana: nigea wate ‘e bweu tebweugumo:

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Salamo 65:5

Iage didiga ‘ediega ‘u da onalimana ‘emaia bubuna paruparuna ‘enega, ‘Ama ‘etoseana ‘ina Eaubada ie; ‘Oio bare‘u ‘ana ‘ebelosaroni iauiaudi ‘idi ‘ebe‘emisa, Ta taudi si mia ‘edasora oraia wate:

Salamo 22:17

Lulugu iauiauna ia da sawa; Si ‘ita ta si dunedune ‘eguia:

Isaia 49:12

Wa ‘ita, getedi ‘edasorega si da mai: ta, wa ‘ita, getedi iaaratega ta ‘ebwagega; ta getedi ‘asa Sinima ‘enega.

Isaia 30:15

Gete nadigega ‘Inapwana Eaubada ‘i gwae, Iseraela ‘ina Tabu Tebweuna, ‘Ilama ta eiawai‘ata ‘enega wa da bobo‘ana; mia‘emwa‘ule ‘ena ta nuaiai ‘ena ‘imi pa‘ara ‘i da miami: ta geanuami.

Isaia 43:6

Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Isaia 55:5

U ‘ita, ‘ebeloina nigea ‘u mwaramwaratoni ‘u da bwauiena, ta ‘ebeloina ‘e bweuna nigea ‘i mwaratoniio ‘i da pili ‘emuia, Ieoba ‘imu Eaubada manuna, ta Iseraela ‘ina Tabu Tebweuna manuna; ni‘atu i ‘awaeseesemu ta ‘enega.

Isaia 55:6

Ieoba wa da ‘ebesa ‘ena ‘u da loba, wa da bwauiena ‘ena ‘i serabemia:

Isaia 60:3

Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 66:18

‘Idi guinuao ta ‘idi nuanuao ia mwaramwaratoni ta ‘enega: tuta ‘i memai, ‘enega ‘ebeloinao ta meia iauiaudi ia da egogonedi; ta si da mai, ta ‘igu esaesa si da ‘ita.

Salamo 22:28

‘Ebeloina Ieoba ‘ina ‘ebeloina ta ‘enega: Ta tauna ‘i etoloina ‘asa debadia.

Salamo 65:6

Tauna ‘ina pa‘arinega ‘oeaiao ‘i sa‘uiaidi; ‘I paimidi waiwaiega;

Isaia 41:22

Si da ‘au‘ewedima, ta ‘emaia si da simana to‘ase ‘i da apwesa: gimi iage wa da simana ‘emaia, to‘ase taudi, be ‘a da nuedi, ta ‘idi ‘ebelosaroni ‘a da mwaratoni; nai ‘emaia wa da e‘ita iage si da mai.

Isaia 45:5

‘Abo‘agu Ieoba, ta nigea wate ‘e bweu; nigea ‘e bweu Eaubada ‘abo ‘abo‘agu nigea: nigea ‘u mwaratonigu, ta ia da paimiio tuga gadiwanega: