Isaia 45:18 - Buki Tabu Lowaenei 1919

¹⁸ Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.

Isaia 45:18 Referans Kwoze

Salamo 115:16

Garewao Ieoba ‘ina garewao; Ta gabura ni‘atu tai natunao i ‘ebwaedi.

Isaia 45:12

‘Abo‘agu bare‘u ia mweruruina, ta tai ia mweruruina debanaia: ‘Abo‘agu, tuga nimaguao, garewa ia lisidi, ta ‘idi boda maibo‘ana ia loinei.

Isaia 42:5

Gete nadigega Eaubada Ieoba ‘i gwae, tauna garewa ‘i mweruruidi, ta ‘i lisineasidi; tauna bare‘u ta iage ‘enega ‘i apwesa ‘i neasidi bababadi; tauna tomota ‘ena si miami iawasidi ‘i sa‘u, ta taudi ‘ena si lopilidadana iaruiaruadi i ‘ebwaedi:

Nugana 1:2

Ta bare‘u waboreborena ta kakaena; ta guguioi ni‘u ‘etanaia ‘i miami: ta Eaubada iaruiaruana ni‘u ‘etanaia ‘i alealeledadana.

Nugana 1:26

Ta Eaubada ‘i ona, Tai ta da bubuna ‘ada ma‘ama‘aiau ‘atua, ‘ada ‘ita nadigega; ta si da loina ora ianina ‘edia be, mwatui manuina ‘edia be, iobai ‘edia be, bare‘u maibo‘ana ‘ena be, iage iauna si lookawara bare‘uia si kawakawara ‘edia be.

Nugana 9:1

Ta Eaubada Noa be natunao me‘olotodi ‘i ona obobomedi, ta ‘i eonedi, Wa da losiwa, ta wa da eiau, ta bare‘u wa da loemae.

Nugana 1:28

Ta Eaubada ‘i ona‐obobomedi: ta Eaubada ‘i eonedi, wa da losiwa, ta wa da eiau, ta bare‘u wa da loemae, ta ‘ena wa da ewaiwai; ta wa da loina ora ‘ana iana ‘edia be, mwatui manuina ‘edia be, iage iauna maiawasidi bare‘uia si looniu ‘edia be.

Nugana 1:1

Nuganaia Eaubada garewa ta gabura ‘i mweruruidi.

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 48:13

Tamo, nimagu bare‘u ‘ana ‘autui ‘i sa‘una, ta ‘ataigu garewa ‘i neasidi: ‘ena ia bwau ‘edia, si tooro rererea.

Isaia 51:13

Ta Ieoba ‘amu Tomwerurua ‘u nuapupurena, tauna garewa ‘i neasidi ta bare‘u ‘ina ‘autu ‘i sa‘udi; ta ‘u matauta ‘ataia asiata maibo‘anega to didiga ‘ina egamwagamwagu didiga manuna, ‘ena ‘i abe ‘i giesaoora? ta to didiga ‘ina egamwagamwagu didiga mane?