Isaia 45:17 - Buki Tabu Lowaenei 1919

¹⁷ Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Isaia 45:17 Referans Kwoze

Salamo 25:3

Tamo, nigea ‘e bweu ‘emuia ‘i iamwaiamwana ‘i da omaiamaia; Taudi si wasegigi daita si da omaiamaia.

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 26:4

Ieoba ‘ena ‘u da ‘emisa ‘ataia: Ia Ieoba ‘ena gurewa mia‘ataia ‘i miami ta ‘enega.

Salamo 103:17

Ta Ieoba ‘ina nua‘ole‘ole taudi si ‘amaiabena ‘edia ‘i mia ‘ataia be ‘ataia, Ta ‘ina bubuna paruparu natunao natudiao ‘edia;

Isaia 60:19

Sinara gea‘abo wate ‘imu ma‘edana asiataia; nai tuiaiara manuna nawarae ‘i da giema‘edaneio: ta Ieoba ‘i da ma‘edana ataia ‘emuia, ta ‘imu Eaubada ‘imu esaesa.

Isaia 29:22

Ta ‘enega gete nadigega Ieoba ‘i gwae, tauna Aberaamo i ‘ewa limena, Iakobo ‘ina susu manuna: Iakobo gea‘abo gete ‘enega ‘i da omaiamaia, ta wate maninina gea‘abo gete ‘enega ‘i da eburabura.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.

Isaia 45:25

Ieoba ‘ena Iseraela tubunao si da paruparu, ta si da tuputupu.

Isaia 51:8

Sarasara ‘i da ‘enidi ‘oama nadigega ta ‘enega, ta didimwana ‘i da ‘enidi wula nadigega: ta ‘igu bubuna paruparu ‘i da mia ‘ataia, ta ‘igu ‘etoseana epata‐tomota iauiauna ‘edia.

Isaia 51:6

Wa da ‘ita tu‘e garewaia, ta bare‘u lo‘ubuna ‘ena ‘u da dune: garewao si da sawara ‘asu ‘atua, ta bare‘u ‘i da kadekaderi ‘oama ‘atua, ta taudi ‘ena si miami si da mwawasa nadigega: ta ‘igu ‘etoseana ‘i da mia ‘ataia, ta ‘igu bubuna paruparu gea‘abo ‘i da sawara.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 33:6

Ta ‘imu tutao ‘ediega miaiaina ‘i da miami, ‘etoseana iauiauna, sinasinapu ta mwaramwaratoni: Ieoba ‘ana matauta tauna ‘ina gwegwe.

Isaia 50:7

‘Inapwana Ieoba ‘i da lemegu ta ‘enega; ta ‘enega nigea ia nuaowana: ta ‘enega maninigu ia sa‘u ‘ai‘aila ginausa ‘atua, ta ia mwaramwaratoni gea‘abo ia da omaiamaia.

Iona 2:9

Ta ‘abo‘agu lokagutoki ‘enanega ia da taria ‘emuia; Iage ni‘atu ia ona‘upa‘upa‘ena ia da ‘ebwaeae. Ieoba ‘enega ‘etoseana ‘i mai.