Isaia 44:2 - Buki Tabu Lowaenei 1919

² Gete nadigega Ieoba ‘i gwae tauna ‘i mweruruiio, ta ‘i bubuio gamwa ‘enega, tauna ‘i da lemeio: Gea‘abo ‘u matauta, Iakobo ie ‘igu toguinua: ta ‘oio, Iesuruna, tauna ia ‘esinuena.

Isaia 44:2 Referans Kwoze

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 43:7

‘E bweuna ‘e bweuna si bwauiedi ‘agu esanega, ta tauna ia mweruruina ‘igu esaesa manuna; ni‘atu ia bubuna; tamo, ia mweruruina.

Isaia 49:1

‘Omi saruiao, wa da nono ‘eguia: ta ‘omi tomota, ‘edasorega wa da nono: Ieoba ‘i bwauiegu gamwega; sinagu dianega ‘agu esana i ‘inana:

Isaia 41:10

Gea‘abo ‘u matauta, ‘abo‘agu ma‘ieaio ta ‘enega; gea‘abo u ‘atesa‘ara, ‘Abo‘agu ‘imu Eaubada ta ‘enega: ‘imu pa‘ara ia da sa‘u; tamo, ia da lemeio; tamo, ia da gi‘eteio ‘igu bubuna paruparu nina ‘atainega.

Salamo 71:6

‘Oio ‘u giiaigu goama ‘ina ‘ebetubua ‘enega: ‘Oio sinagu dianega u ‘au‘ewegu: ‘Igu tuputupu manuio ataia.

Isaia 43:21

Tomota nidi ia bubudi manugu taugu, be ‘enega ‘agu tuputupu si da gieapwese.

Isaia 44:21

Iage getedi wa da nua‘i‘isi, Iakobo ie; ta Iseraela, ‘oio ‘igu toguinua ta ‘enega: ‘Abo‘agu ia mweruruimu; ‘oio ‘igu to guinua: Iseraela ie, gea‘abo ia da nuapupureio.

Salamo 46:5

Eaubada gamwagamwanaia; gea‘abo ‘i da loniu: Eaubada ‘i da lemena, tomwa ‘uli‘ulitaia.

Isaia 43:5

Gea‘abo ‘u matauta; ‘abo‘agu ma‘ieaio ta ‘enega: tubumuao ia da me‘edi bomatuiega, ta ia da egogoneio ‘ebwagega;

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 27:11

Ni‘atu narinao si ‘oaperu, ga si da elasa iaulei; ‘ena si da mai ta si da loe‘abia: taudi tomota nigea ‘e bweu ‘idi mwaratoni ta ‘enega; ta ‘enega tauna ‘i mweruruidi gea‘abo ‘i da ‘atenua‘ole‘oleiedi, ta tauna ‘i bubudi gea‘abo ‘i da obobomedi.

Isaia 41:8

Ta ‘oio, Iseraela, ‘igu ‘ari‘ei, Iakobo tauna ia ‘esinuena, Aberaamo gosiagu tubuna;

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 49:5

Ta gete ‘enega Ieoba ‘i gwae tauna gamwega ‘i bubugu be ‘abo‘agu ‘ina to‐guinua, be Iakobo ia da me‘ena limana ‘enaia, ta ‘aene Iseraela ‘i da egogona ‘enaia: (‘abo‘agu ia esaesa Ieoba matanaia ta ‘enega, ta ‘igu Eaubada Tauna ‘igu waiwai:)

Salamo 95:6

Wa da mai, be ta da tapwaroro ta kopukopu; Ieoba ‘ada To Mwerurua matanaia ‘aeda ta da tulasa: