Isaia 43:3 - Buki Tabu Lowaenei 1919

³ ‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 43:3 Referans Kwoze

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 45:15

Ona ‘ai‘aila ‘oio Eaubada ‘u kwaiemu, Iseraela ‘ina Eaubada ie, To ‘Etoseana.

Si Apwesa 20:2

‘Abo‘agu Ieoba ‘imu Eaubada, tauna ‘asa Aigupitoega i ‘au‘ewemu, ioniionidi ‘idi anuega.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 45:21

Wa da simana, ta wa da apwesenama; tamo, si da onaona rererea: ‘iaita gete ‘i e‘ita tuta lowaeneiega? Iaita ‘i simana lowaeneiega? nigea nai ‘Abo‘agu Ieoba? ta nigea wate ‘e bweu Eaubada tebweugumo; Eaubada loina ‘ai‘ailina ta to‐‘etoseana: nigea wate ‘e bweu tebweugumo:

Isaia 30:11

‘Edega wa da tauiawa, ‘edega wa da tauia dumaduma, Iseraela ‘ina Tabu Tebweuna ‘ana ‘oata‘oata ‘wa da sa‘ui.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 20:3

Ta Ieoba ‘i gwae, Nadigega ‘igu to‐guinua Isaia ‘i tautauia bwaradaisinega ta ‘aedaisinega iakwara ‘e toi we‘iwe‘iiaia manuna ta ‘ebenuaowana manuna Aigupito ‘enaia ta Aitiope ‘enaia;

Si Apwesa 10:7

Ta Parao ‘ina toguinuao si eonena, Tuta eisa tai gete ‘i da sikwa ‘edaia? tai ‘u da tagwaredi be si da tauia, be ‘enega Ieoba ‘idi Eaubada ‘ena si da guinua; nigea nai ‘u mwaratoni ‘aene Aigupito ni‘atu ‘i saoora?

Nugana 10:7

Ta Kusa natunao me‘olotodi; Seba ta, Abila ta, Sabataa ta, Raama ta, Sabateka ta: ta Raama natunao me‘olotodi; Seba ta, Dedana ta.

Loina 11:44

‘Abo‘agu Ieoba ‘imi Eaubada ta ‘enega; ‘enega wa da ‘etabuiemi, be wa da ‘esasena; ‘abo‘agu ‘esasegu ta ‘enega: ta gea‘abo wa da giebaila‘emi iage lokawaridi bare‘uia si loniu ‘e bweuna ‘enega.

Salamo 72:10

Tasisa ta saru ‘adi kiniao ‘ebwaeadaitao si da me‘edi: Sieba ta Seba ‘adi kiniao ‘ebwaeadaitao si da ‘ebwaeae.

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 42:8

‘Abo‘agu Ieoba; gote ‘agu esana: ta ‘igu esaesa gea‘abo wate ‘e bweu ‘ena ia da ‘ebwaea, nai ‘agu tuputupu tokwarui daiadaiagidi ‘edia.

Isaia 43:11

‘Abo‘agu, tuga ‘Abo‘agu, taugu Ieoba: ta ‘abo‘agu nigea, to‐‘etoseana nigea ‘e bweu.

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 63:8

‘I gwae ta ‘enega, Ona ‘ai‘aila, taudi ‘igu tomota, natuguao nigea si da bubu kabokabo: nadigega tauna ‘adi to‘etoseana.