Isaia 42:5 - Buki Tabu Lowaenei 1919

⁵ Gete nadigega Eaubada Ieoba ‘i gwae, tauna garewa ‘i mweruruidi, ta ‘i lisineasidi; tauna bare‘u ta iage ‘enega ‘i apwesa ‘i neasidi bababadi; tauna tomota ‘ena si miami iawasidi ‘i sa‘u, ta taudi ‘ena si lopilidadana iaruiaruadi i ‘ebwaedi:

Isaia 42:5 Referans Kwoze

Isaia 40:22

Tauna ‘i miatoa bare‘u ‘ana mweii debanaia, ta ‘ana tomi nadigega gipawa; tauna garewa ‘i lisidi kaleko ‘atua, ta ‘i loneasidi ‘atua anuanaia ‘ena si miami:

Isaia 45:12

‘Abo‘agu bare‘u ia mweruruina, ta tai ia mweruruina debanaia: ‘Abo‘agu, tuga nimaguao, garewa ia lisidi, ta ‘idi boda maibo‘ana ia loinei.

Isaia 48:13

Tamo, nimagu bare‘u ‘ana ‘autui ‘i sa‘una, ta ‘ataigu garewa ‘i neasidi: ‘ena ia bwau ‘edia, si tooro rererea.

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 45:18

Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.

Salamo 33:6

Ieoba ‘ina ona ‘enega garewaia i bubudi; Ta ‘idi boda iauiauna ‘awana iawasinega.

Isaia 40:12

Iaita boasi i ‘etopwapwa nima gomwagomwana ‘enaia, ta garewa i ‘etopwapwa nimanega, ta bare‘u ‘ina kau ‘i mwaratonina keiga ‘ena, ta ‘oea ‘i kugedi ‘ebekuge ‘edia, ta ‘oea gidaridi ‘ebemwau ‘edia?

Salamo 136:6

Tauna bare‘u ‘i gineasina boasi debadia ‘enaia: ‘Ina nua‘ole‘ole ‘i mia ‘ataia ta ‘enega.

Nugana 2:7

Ta Ieoba Eaubada bwa‘a nedilina ‘enega tai ‘i bubuna, ta ubusuna iawasina ‘ena ‘i sa‘una; ta tai ni‘atu ‘i iaruiarua maiawasina.

Isaia 40:28

Nigea nai ‘u mwaratoni? Nigea nai ‘u nono? Eaubada miaataia, Ieoba, bare‘u ‘ana ‘ebelosaroniao ‘adi Tomwerurua, nigea ‘i tabataba, ta nigea ‘i lo‘ame‘ame; ‘ina sinasinapu nigea ‘e bweu i ‘ebesa.

Nugana 1:1

Nuganaia Eaubada garewa ta gabura ‘i mweruruidi.

Isaia 37:16

Bodao ‘idi Ieoba ie, Iseraela ‘ina Eaubada, ‘Oio ierubima ‘edia ‘u miatoa, ‘oio bare‘u ‘ina ‘ebeloina iauiauna ‘idi Eaubada, tuga tebweuio; ‘oio garewa ta bare‘u ‘u mweruruidi.

Isaia 40:26

Wa da ‘ita tu‘e tabwanaia, ta tauna getedi ‘i mweruruidi wa da ‘ita, tauna ‘idi boda i ‘ewa‐apwesa nigea ‘adi sawamo: iauiaudi ‘i bwauiedi ‘adi esanega; ‘ina waiwai ‘ana sinabwana ‘enega, ta ‘i pa‘ara ‘ina waiwaiega manuna, nigea ‘e bweu ‘i kakaena.

Isaia 57:16

Nigea ia da e‘upwa ‘ataia ta ‘enega, ta nigea ia da gamwasoara ‘ataia: iaruiarua ‘i da mwawamwawasa mataguia ta ‘enega, ta iawasidi taudi ni‘atu ia mwerurua.

Salamo 96:5

Tomota ‘idi eaubada iauiaudi si iage besobeso ta ‘enega: Ta Ieoba garewao ‘i mweruruidi.