Isaia 42:4 - Buki Tabu Lowaenei 1919

⁴ Gea‘abo ‘i tabataba nai ‘i da ‘atesa‘ara, ga etara ‘i sa‘u bemi bare‘uia; ta saru ‘ina loina si da iamwaiamwai.

Isaia 42:4 Referans Kwoze

Isaia 55:5

U ‘ita, ‘ebeloina nigea ‘u mwaramwaratoni ‘u da bwauiena, ta ‘ebeloina ‘e bweuna nigea ‘i mwaratoniio ‘i da pili ‘emuia, Ieoba ‘imu Eaubada manuna, ta Iseraela ‘ina Tabu Tebweuna manuna; ni‘atu i ‘awaeseesemu ta ‘enega.

Nugana 49:10

Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.

Salamo 22:27

Bare‘u ‘ana ‘ebelosaroni iauiauna si da nua‘i‘isi ta Ieoba ‘ena si da sana‘ila: Ta ‘asa ‘idi boda iauiauna matamuia si da bwagobwago.

Isaia 66:19

Ta we‘iwe‘iiaia ia da sa‘u gamwagamwanidia, ta taudi nigea si mwawasa ‘ediega ia da etunedi ‘ebeloinao ‘edia, Tasisa ‘ena, Pula ta Luda, taudi si lisi‐tupu, Tubala ta Iabana ‘edia, saru ‘edasora ‘edia, taudi nigea ‘aregu si nonona, nai ‘igu esaesa si ‘itena; ta ‘igu esaesa si da simana ‘ebeloinao gamwagamwanidia.

Isaia 60:9

Ona ‘ai‘aila saru si da iamwaiamwagu, ta waga Tasisa nugana, sabi me‘edi natumuao me‘olotodi ‘edasorega, ‘idi sileba ta ‘idi gola ma‘edi, Ieoba ‘imu Eaubada ‘ana esana manuna, ta Iseraela ‘ina Tabu Tebweuna manuna, ni‘atu ‘amu tuputupu ‘i sa‘u ta ‘enega.

Isaia 42:12

Ieoba si da ‘awaeseesei, ta ‘ana tuputupu si da simana saru ‘edia.

Isaia 49:1

‘Omi saruiao, wa da nono ‘eguia: ta ‘omi tomota, ‘edasorega wa da nono: Ieoba ‘i bwauiegu gamwega; sinagu dianega ‘agu esana i ‘inana:

Isaia 41:5

Saru si ‘ita, ta si matauta; bare‘u ‘ana ‘ebelosaroniao si dedera: si doroma, ta si mai.

Isaia 40:28

Nigea nai ‘u mwaratoni? Nigea nai ‘u nono? Eaubada miaataia, Ieoba, bare‘u ‘ana ‘ebelosaroniao ‘adi Tomwerurua, nigea ‘i tabataba, ta nigea ‘i lo‘ame‘ame; ‘ina sinasinapu nigea ‘e bweu i ‘ebesa.

Isaia 42:10

Wari auauna wa da wariei Ieoba ‘enaia, ta ‘ana tuputupu bare‘u ‘ana ‘ebelosaroniega; ‘omi wa mwa‘uta oraia, ta iage iauiauna ‘ena si miami, saruiao, ta ‘ana tomi.

Isaia 42:21

Ieoba ‘ena ‘i bobo‘ana ‘ina bubuna paruparu manuna, be loina i ‘awasinabwa‘ena, ta ‘ana ‘amaiaba ‘i sa‘u.

Isaia 51:4

‘Omi ‘igu tomota, ‘eguia wa da sana‘ilama; ‘Oio ‘igu ‘asa, ‘eguia ‘u da enonotenasi: loina ‘i da tauiawa ‘eguiega ta ‘enega, ta ‘igu etara ia da sa‘u ‘ai‘aili tomota ‘idi ma‘edana manuna.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 40:22

Tauna ‘i miatoa bare‘u ‘ana mweii debanaia, ta ‘ana tomi nadigega gipawa; tauna garewa ‘i lisidi kaleko ‘atua, ta ‘i loneasidi ‘atua anuanaia ‘ena si miami: