Isaia 42:11 - Buki Tabu Lowaenei 1919

¹¹ Mitawa ta ‘ina ‘asa ‘enadi si da gitu‘e, ‘asa gidaridi taudi Kedara ‘edia ‘i miami; Sela ‘ina tomi si da wari, si da bwau ‘oea debadia.

Isaia 42:11 Referans Kwoze

Isaia 32:16

Ga loina mitawaia ‘i da ‘mia baula, ta bubuna paruparu bagura ualoebwaina ‘ena ‘i da miami.

Isaia 60:7

Kedara ‘ina sipi iau iauiaudi si da egogonama ‘emuia, Nebaiota ‘ina sipi me‘olotodi ‘emuia si da guinua: ‘igu ‘ebetaria ‘ena si da tu‘ema ta nuagu ‘i da bobo‘ana ‘edia, ta ‘igu esaesa ‘ina anua ‘ana tuputupu ia da sa‘u.

Isaia 52:7

Tauna tetera bobo‘adi ‘i me‘edi ‘aena bobo‘ai‘ailidi ‘oeao ‘edia, tauna guguia ‘i etetera, tauna bobo‘ana ‘ina tetera bobo‘adi ‘i me‘edi, tauna ‘etoseana ‘i guguiaei; tauna Siona ‘ena ‘i ona, ‘Imu Eaubada ‘i loiloina!

Isaia 35:6

Ga to lopegoi ‘i da losuiasuia kerei ‘atua, ta to euwauwa meiana ‘i da wari: mitawaia boasi si da pwaila ta ‘enega, ta boasi daudau kaukaudaisinamo ‘enaia.

Isaia 21:16

Gete nadigega ‘Inapwana ni‘atu ‘i ona ‘eguia, Iakwara ‘e bweu gea‘abo ‘i gumwara, nadigega to guinua ‘ei‘eisana ‘ana iakwarao, ta Kedara ‘ina esaesa maibo‘ana ‘i da gumwara:

Isaia 16:1

Lamiao wa da etunedi ‘asa ‘ina to loina manuna Selega tauna mitawa deinaia, Siona natuna me wainena ‘ina ‘oea ‘enaia.

Salamo 120:5

Oioi ‘eguia, Meseka ‘ena ia miami, Kedara ‘ina anua‐ania ‘edia ia miami!

Nugana 25:23

Ta Ieoba ‘ena ‘i ona, Gamwamuia ‘asa ‘e rua ‘ena si miami, Ta diamuiega susu‐tomotai e rua si da weara tuga: Ta susu‐tomota ‘e bweuna si da ewaiwai susu ‘e ruena ‘enaia; Ta tomatua ‘i da guinua me goamana ‘ena.

Isaia 43:19

Wa ‘ita, iage auauna ia da guinua; gete ‘enega ‘i da apwesama: gea‘abo nai wa da mwaratonina? ‘Eda ia da bubu tuga mitawaia, ta boasi‐daudauiao kaukaudaisinamo ‘enaia.

Isaia 35:1

Mitawa ta esena waborebore si da ‘uiawana; ta kaukaudaita ‘i da guausoara ta ‘i da senina rose ‘atua.

Isaia 40:3

‘E bweu ‘i bwaubwau ‘enana, Mitawaia Ieoba ‘ana ‘eda wa da kakari, kaukaudaisinamo ‘ena ‘eda sinabwana wa da gienonokwaikwaia ‘ida Eaubada manuna.

Isaia 12:5

Ieoba ‘ena wa da wari; iage bobo‘ai‘ailidi ni‘atu ‘i guinuedi ta ‘enega: iage gete wa da gieapwesa bare‘u maibo‘ana ‘enaia.