Isaia 42:10 - Buki Tabu Lowaenei 1919

¹⁰ Wari auauna wa da wariei Ieoba ‘enaia, ta ‘ana tuputupu bare‘u ‘ana ‘ebelosaroniega; ‘omi wa mwa‘uta oraia, ta iage iauiauna ‘ena si miami, saruiao, ta ‘ana tomi.

Isaia 42:10 Referans Kwoze

Salamo 33:3

Wari auauna ‘ena wa da wariei; Wa da giapi ‘ai‘aila ‘enana sinabwanega.

Isaia 42:4

Gea‘abo ‘i tabataba nai ‘i da ‘atesa‘ara, ga etara ‘i sa‘u bemi bare‘uia; ta saru ‘ina loina si da iamwaiamwai.

Salamo 40:3

Ta wari auauna ‘awagu ‘ena ‘i sa‘una, tamo lotuputupu ‘ida Eaubada ‘enaia; Iauiaudi si da ‘itena, ta si da matauta, Ta Ieoba ‘ena si da ‘emisa.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 65:14

Wa ‘ita, ‘igu to‐guinuao si da wari ‘ate‘uiawana manuna, ta ‘omi wa da dedo ‘atededoi manuna, ta wa da bwau iaruiarua ‘epi‘episarina manuna.

Isaia 60:9

Ona ‘ai‘aila saru si da iamwaiamwagu, ta waga Tasisa nugana, sabi me‘edi natumuao me‘olotodi ‘edasorega, ‘idi sileba ta ‘idi gola ma‘edi, Ieoba ‘imu Eaubada ‘ana esana manuna, ta Iseraela ‘ina Tabu Tebweuna manuna, ni‘atu ‘amu tuputupu ‘i sa‘u ta ‘enega.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Isaia 44:23

Wa da wari, ‘omi garewao ie, Ieoba ni‘atu ‘i guinuena ta ‘enega; wa da bwau, ‘omi bare‘u ‘ina esenanao lo‘ubuna; ‘Omi ‘oeao, mitawa ie, ta kaiwe iauna ‘ena, wa da pwaila wari ‘enega: Ieoba ni‘atu Iakobo i ‘ewa‐limena ta ‘enega, ta tauna esaesa ‘i da sa‘u Iseraela ‘ena.

Salamo 150:6

Iage ‘e bweuna ‘e bweuna maiawasina Ieoba ‘i da tupuna. Ieoba wa da tupuna.

Salamo 97:1

Ieoba ‘i loiloina; bare‘u ‘i da guausoara; Saru ‘adi iau si da uiawana.

Salamo 96:11

Garewao si da guausoara, ta bare‘u ‘i da uiawana; Ora ‘i da dududu, ta ‘ana maamaana;

Si Apwesa 15:1

Ga Mose ta Iseraela tubunao wari gete si wariena Ieoba ‘enaia, ta si gwae, si onaona, Ieoba ‘ena ia da wari, ni‘atu ‘i tu‘e wawasae: Ose ta ‘ina togeru ni‘atu i ‘uledi oraia.

Si Apwesa 20:11

Asiata ‘e sikisi ‘enega Ieoba garewa ta bare‘u ‘i mweruruidi, ora, ta iage iauiauna ‘edia si miami, ta asiata ‘e sebeni nina ‘i miadaita: ta ‘enega Ieoba asiata sabate ‘i ‘awabobo‘anena, ta ‘i etabuna.

Salamo 65:5

Iage didiga ‘ediega ‘u da onalimana ‘emaia bubuna paruparuna ‘enega, ‘Ama ‘etoseana ‘ina Eaubada ie; ‘Oio bare‘u ‘ana ‘ebelosaroni iauiaudi ‘idi ‘ebe‘emisa, Ta taudi si mia ‘edasora oraia wate:

Salamo 72:10

Tasisa ta saru ‘adi kiniao ‘ebwaeadaitao si da me‘edi: Sieba ta Seba ‘adi kiniao ‘ebwaeadaitao si da ‘ebwaeae.

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 12:5

Ieoba ‘ena wa da wari; iage bobo‘ai‘ailidi ni‘atu ‘i guinuedi ta ‘enega: iage gete wa da gieapwesa bare‘u maibo‘ana ‘enaia.

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 60:6

Kameli mapwarudi si da bodemu, kameli menonoiadi Midiana ta Epa ‘ediega; iauiaudi Sebega si da mai: gola ta mu‘ana si da me‘edi, ta Ieoba ‘ana tuputupu si da ‘inana.

Isaia 62:11

Wa ‘ita, Ieoba ni‘atu ‘i guguia bare‘u ‘ina ‘ebelosa‘u ‘enaia, Siona natuna me wainena ‘ena wa da gwae, U ‘ita, ‘amu ‘etoseana ‘i memai; u ‘ita, ‘ana e‘isa ma‘ieana, ta ‘ina guinua matanaia.