Isaia 41:4 - Buki Tabu Lowaenei 1919

⁴ Iaita ‘i mwerurua ta ‘i guinuena, epatatomota ‘i bwauiedi nuganega? ‘Abo‘agu Ieoba, nuganigu, ta to muri ma‘ieana, ‘abo‘agu tauna.

Isaia 41:4 Referans Kwoze

Isaia 48:12

Iakobo ie, ‘eguia wa da nono, ta Iseraela ‘agu bwaubwauiao: abo‘agu Tauna: Abo‘agu to‐nugana, ‘abo‘agu wate to‐muria.

Isaia 41:26

Iaita ‘i simanena nuganega, be ‘enega ‘a da mwaratoni? Ta gimi tutega, be ‘enega ‘a da gwae, Tauna ‘i paruparu? tamo, nigea ‘e bweu ‘i simana, tamo, nigea ‘e bweu ‘i e‘ita, tamo, nigea ‘e bweu ‘imi ona ‘i nonodi.

Isaia 46:10

‘Ebelosaroni ia simana nuganega, ta gimi tutao ‘ediega iage nigea si apwesa gete; ia onaona, ‘Igu nuanua ‘i da tooro, ta ‘igu nuena maibo‘ana ia da guinua:

Isaia 43:10

‘Omi ‘igu to‐‘itao, Ieoba ‘i gwae, ta ‘igu to‐guinua tauna ia ‘esinua; be ‘enega wa da mwaratonigu ta wa da iaregu, ta wa da sinapuna ‘aene ‘Abo‘agu Tauna; nuganiguia nigea ‘e bweu Eaubada mwerumweruruina, ta gea‘abo ‘e bweu muriguia.

Isaia 42:24

Iaita Iakobo i ‘ebwaea ‘ebe‘oae manuna, ta Iseraela to‘ipwara ‘edia? nigea Ieoba nai? Tauna ‘ena ni‘atu ta loegesi, ta tauna ‘ina ‘edao nigea ‘edia si da tauia, nai ‘ina e‘ita ‘ena si ematamatana.

Isaia 40:12

Iaita boasi i ‘etopwapwa nima gomwagomwana ‘enaia, ta garewa i ‘etopwapwa nimanega, ta bare‘u ‘ina kau ‘i mwaratonina keiga ‘ena, ta ‘oea ‘i kugedi ‘ebekuge ‘edia, ta ‘oea gidaridi ‘ebemwau ‘edia?

Isaia 40:26

Wa da ‘ita tu‘e tabwanaia, ta tauna getedi ‘i mweruruidi wa da ‘ita, tauna ‘idi boda i ‘ewa‐apwesa nigea ‘adi sawamo: iauiaudi ‘i bwauiedi ‘adi esanega; ‘ina waiwai ‘ana sinabwana ‘enega, ta ‘i pa‘ara ‘ina waiwaiega manuna, nigea ‘e bweu ‘i kakaena.

Salamo 102:27

Ta ‘oio nadigega tuga, Ta ‘amu iakwarao gea‘abo ‘adi ‘ebelosaroamo.

Isaia 41:3

‘I pa‘idi, ta ‘i taona bobo‘ana; tuga ‘eda ‘enega nigea ‘enega ‘i tauia ‘aenega.

Isaia 43:13

Tamo, asiata ‘i gimi apwesa ‘enega ‘Abo‘agu tauna; ta nigea ‘e bweu nimaguiega ‘i da ‘ewa‘ewa; ‘abo‘agu ia da guinua, ta iaita ‘i da ‘etobodena?

Salamo 102:28

‘Imu to guinuao natudiao si da miami, Ta tubudiao si da pa‘ara matamuia.

Isaia 41:20

Be ‘enega si da ‘ita, ta si da mwaratoni, ta si da nuanua, ta si da sinapuna rererea, ‘aene Ieoba nimana iage gete ‘i guinua, ta Iseraela ‘ina Tabu Tebweuna ‘i mweruruina.