Isaia 41:27 - Buki Tabu Lowaenei 1919

²⁷ Nugana ia da ona Siona ‘ena, Wa ‘ita, wa ‘itedi; ta ‘e bweu tetera bobo‘ana ‘i me‘ena Ierusalema ‘ena ia da ‘ebwaea.

Isaia 41:27 Referans Kwoze

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Isaia 52:7

Tauna tetera bobo‘adi ‘i me‘edi ‘aena bobo‘ai‘ailidi ‘oeao ‘edia, tauna guguia ‘i etetera, tauna bobo‘ana ‘ina tetera bobo‘adi ‘i me‘edi, tauna ‘etoseana ‘i guguiaei; tauna Siona ‘ena ‘i ona, ‘Imu Eaubada ‘i loiloina!

Isaia 48:3

Gimi iage ni‘atu ia simanedi lowaeneiega: tamo, ‘awaguiega si apwesawa, ta ia e‘itedi: manini ia guinuedi, ta si apwesa.

Isaia 44:28

Tauna ‘i gwae Koresa manuna, Tauna ‘igu to‐‘ita‘i‘isi‐sipi, ta ‘igu nuena iauiauna ‘i da guinua: tuga Ierusalema manuna ‘i gwae, si da ‘abina; ta anuatabu ‘ena, ‘Imu ‘autui si da sa‘u.

Isaia 48:12

Iakobo ie, ‘eguia wa da nono, ta Iseraela ‘agu bwaubwauiao: abo‘agu Tauna: Abo‘agu to‐nugana, ‘abo‘agu wate to‐muria.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 43:10

‘Omi ‘igu to‐‘itao, Ieoba ‘i gwae, ta ‘igu to‐guinua tauna ia ‘esinua; be ‘enega wa da mwaratonigu ta wa da iaregu, ta wa da sinapuna ‘aene ‘Abo‘agu Tauna; nuganiguia nigea ‘e bweu Eaubada mwerumweruruina, ta gea‘abo ‘e bweu muriguia.

Isaia 41:4

Iaita ‘i mwerurua ta ‘i guinuena, epatatomota ‘i bwauiedi nuganega? ‘Abo‘agu Ieoba, nuganigu, ta to muri ma‘ieana, ‘abo‘agu tauna.

Isaia 46:9

Gimi iage lowaeneiega wa da nua‘i‘isi: ‘abo‘agu Eaubada ta ‘enega, ta nigea wate ‘e bweu; ‘abo‘agu Eaubada, ta nigea ‘e bweu ‘abo‘agu nadigega;