Isaia 40:5 - Buki Tabu Lowaenei 1919

⁵ Ta Ieoba ‘ina esaesa ‘i da apwesa, ta esio iauiauna si da ‘itena rererea: Ieoba ‘awana ‘i onena ta ‘enega.

Isaia 40:5 Referans Kwoze

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 11:9

Gea‘abo si da unuunu nai si da giesaoora ‘igu ‘oea tabu maibo‘ana ‘enaia: bare‘u ‘i da maa Ieoba ‘ina sinasinapu ‘enega, na‘ieana boasiao ora si bodena.

Isaia 58:14

Ga tauio ‘u da ‘uiawana Ieoba ‘enaia: ta ia da bubuio be bare‘u ‘ina esena lo‘etanidi ‘edia ‘u da geru; ta ia da e‘eniio Iakobo tamaio ‘ina ‘egu‘eguiaiega: Ieoba ‘awana ni‘atu i ‘inana ta ‘enega.

Isaia 6:3

Ta ‘e bweuna ‘i bwau ‘e bweuna ‘enaia, ta ‘i gwae, Tabu, tabu, tabu, bodao ‘idi Ieoba: gabura maibo‘ana ‘i maa ‘ina eseesega.

Salamo 72:19

Ta ‘ana esana esaesa ta da tupuna ataia; Ta bare‘u maibo‘ana ‘i da maa ‘ina esaesa ‘enega. Emeni ta Emeni.

Isaia 66:23

Ta gete ‘i da apwesa, nawarae auauna ‘e bweuna ga ‘e ruena, ta sabate ‘e bweuna ga ‘e ruena, esio iauiauna si da mai sabi bwagobwago mataguia, Ieoba ‘i gwae.

Isaia 1:20

Ta ‘abo wa guitoasa ta wa nuapa‘ara, wa da lo‘egumwara sisisaiega; Ieoba ‘awana ni‘atu i ‘inana ta ‘enega.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Isaia 35:2

‘I da senina sinabwana, ta ‘i da ‘uiawana, tamo, guausoarega ta wariega; Lebanona ‘ina esaesa ‘ena si da ‘ebwaea, Kaamela ta Sarona ‘idi bobo‘ai‘ailina: Ieoba ‘ina esaesa si da ‘itena, ‘ida Eaubada ‘ina bobo‘ai‘ailina.

Salamo 102:16

Ieoba Siona i ‘abi tu‘e ta ‘enega, Ni‘atu ‘i apwesa ‘ina esaesa ‘enaia;

Salamo 96:6

Amaiabe ta esaesa matanaia si miami: Waiwai ta ‘ita bobo‘ana ‘ina anua tabu ‘ena si miami.

Isaia 66:16

Awe‘ara‘aratega, ta ‘ina sisi‐saiega, Ieoba esio iauiauna ‘i da eonedi: ta to esilae Ieoba ‘enega si da iauiau.

Si Apwesa 16:7

Ta gonagonaia, ga Ieoba ‘ina esaesa wa da ‘itena; tauna ‘imi onaolilisana Ieoba ‘enaia ‘i nonona ta ‘enega: ta to‘ase ‘abo‘ama, wa onaolilisana ‘emaia?

Salamo 97:6

Garewao ‘ina bubuna paruparuna si simanena, Ta tomota iauiauna ni‘atu ‘ina esaesa si ‘itena.

Isaia 34:16

Ieoba ‘ina buki ‘enega wa da ‘ebesa, ta wa da sawa: nigea ‘e bweu getedi ‘ediega nigea ‘i da miami, nigea ‘e bweu mwanena ‘i da ‘ebesa ioge: ‘awagu ‘i ona ta ‘enega, ta iaruiaruana ‘i egogonedi.

Isaia 40:4

Sa‘ara ‘e bweuna ‘e bweuna ‘i da elomiatu‘e, ta ‘oea sinabwadi ta ‘oea gidaridi ‘e bweuna ‘e bweuna ‘i da ‘elomwa‘uta: ta bokoboko ‘i da eparuparu, ta esena dakadaka si da enonokwaikwaina:

Isaia 41:20

Be ‘enega si da ‘ita, ta si da mwaratoni, ta si da nuanua, ta si da sinapuna rererea, ‘aene Ieoba nimana iage gete ‘i guinua, ta Iseraela ‘ina Tabu Tebweuna ‘i mweruruina.

Salamo 102:17

Gomabeso ‘idi sidasida ‘i nuena, Ta ‘idi sidasida nigea ‘i sinarina.

Isaia 26:15

Ieoba ie, ‘ebeloina ni‘atu ‘u giesinabwa, ‘ebeloina ni‘atu ‘u giesinabwa; ‘oio ma‘imu esaesa: ‘asa ‘ina raba iauiauna ni‘atu ‘u giesinabwa.

Isaia 66:18

‘Idi guinuao ta ‘idi nuanuao ia mwaramwaratoni ta ‘enega: tuta ‘i memai, ‘enega ‘ebeloinao ta meia iauiaudi ia da egogonedi; ta si da mai, ta ‘igu esaesa si da ‘ita.