Isaia 40:28 - Buki Tabu Lowaenei 1919

²⁸ Nigea nai ‘u mwaratoni? Nigea nai ‘u nono? Eaubada miaataia, Ieoba, bare‘u ‘ana ‘ebelosaroniao ‘adi Tomwerurua, nigea ‘i tabataba, ta nigea ‘i lo‘ame‘ame; ‘ina sinasinapu nigea ‘e bweu i ‘ebesa.

Isaia 40:28 Referans Kwoze

Salamo 147:5

‘Ida Inapwana ‘i sinabwana, ta ‘i pa‘ara waiwaiega; ‘Ina sinasinapu nigea ‘ana ‘ebelosaroamo.

Isaia 40:21

Nigea wa mwaratoni nai? Nigea wa nonona nai? nigea nai si simana ‘emia nuganega? Nigea nai wa sinapuna bare‘u ‘ina ‘autuiao ‘ediega?

Nugana 21:33

Ta Aberaamo kaiwe tamarika ‘i asona Beeriseba ‘enaia, ta ‘ena Ieoba ‘ana esana ‘ena ‘i bwauiena, Eaubada Tomia Ataia.

Salamo 90:2

‘Oeao nigea si apwesama, Nai bare‘u ta gabura ‘u mweruruidi, Tuga tuta nigea ‘i apwesa ga tuta nigea ‘i da gumwara, ‘Oio Eaubada.

Isaia 45:22

Wa da ‘ita ‘eguia, ta wa da bobo‘ana, bare‘u ‘ina ‘ebelosaroniao iauiaumi: ‘abo‘agu Eaubada ta ‘enega, ta nigea wate ‘e bweu.

Salamo 139:6

Sinasinapu nadigega ‘ebenuaowana wawasae ‘eguia; ‘I mia tu‘e, nigea kapekapeana ‘ena ia tu‘e.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.

Salamo 138:8

Iage manugu Ieoba ‘i da giebobo‘ai‘ailina: Ieoba ie, ‘imu nua‘ole‘ole ‘i mia ‘ataia; Nimaio tauio ‘idi guinuao gea‘abo ‘u da e‘idi‘idiedi.

Isaia 59:1

Wa ‘ita, Ieoba nimana nigea ‘i kukupa, be gea‘abo ‘i da ‘etoseana; nai tenana ‘i mwau, be gea‘abo ‘i da nono:

Isaia 66:9

Ia da me‘ena enatuna ‘ena, ta gea‘abo nai ia da etubua? Ieoba ‘i gwae: ‘abo‘agu ia etubua gamwa ia da gibode nai? ‘imu Eaubada ‘i gwae.

Salamo 145:3

Ieoba tauna ‘i sinabwana, ta sawesawenaia ta da tupuna sinabwana; Ta ‘ana sinabwa ta loba ioge.

Isaia 37:26

Nigea na ‘u nonona lowaenei ia guinuena, ta gimi tutao ‘ediega ia mweruruina? gete ‘enega ia gieapwesena, be ‘oio ‘u miami be ‘asa ma‘adi ‘arigurewa ‘u giesawaridi ga si esa‘u epopo mudamudaridi.

Isaia 42:4

Gea‘abo ‘i tabataba nai ‘i da ‘atesa‘ara, ga etara ‘i sa‘u bemi bare‘uia; ta saru ‘ina loina si da iamwaiamwai.