Isaia 40:22 - Buki Tabu Lowaenei 1919

²² Tauna ‘i miatoa bare‘u ‘ana mweii debanaia, ta ‘ana tomi nadigega gipawa; tauna garewa ‘i lisidi kaleko ‘atua, ta ‘i loneasidi ‘atua anuanaia ‘ena si miami:

Isaia 40:22 Referans Kwoze

Salamo 104:2

Tauio ‘u bodemu ma‘edanega ‘atua ‘oamega; Tauio garewao ‘u lisidi ‘atua ‘aubodakaleko:

Isaia 42:5

Gete nadigega Eaubada Ieoba ‘i gwae, tauna garewa ‘i mweruruidi, ta ‘i lisineasidi; tauna bare‘u ta iage ‘enega ‘i apwesa ‘i neasidi bababadi; tauna tomota ‘ena si miami iawasidi ‘i sa‘u, ta taudi ‘ena si lopilidadana iaruiaruadi i ‘ebwaedi:

Isaia 66:1

Gete nadigega Ieoba ‘i gwae, Garewa ‘igu ‘ebemi‐esaesa, ta bare‘u ‘aegu ‘adi ‘ebesa‘u: to anua wa da ‘abi ‘eguia? Ta to esena ‘igu ‘ebeeiawai‘ata?

Isaia 40:17

‘Ebeloina iauiauna ‘atua nigea ‘e bweu matanaia; si sawedi ‘enaia iage nigea ‘e bweu ta iage besobeso.

Salamo 68:33

Tauna ‘i geru garewa ‘idi garewa, taudi lowaeneiega, tauna ‘enaia; Wa ‘ita, ‘enana ‘i ona, tauna ‘enana waiwaina.

Isaia 51:13

Ta Ieoba ‘amu Tomwerurua ‘u nuapupurena, tauna garewa ‘i neasidi ta bare‘u ‘ina ‘autu ‘i sa‘udi; ta ‘u matauta ‘ataia asiata maibo‘anega to didiga ‘ina egamwagamwagu didiga manuna, ‘ena ‘i abe ‘i giesaoora? ta to didiga ‘ina egamwagamwagu didiga mane?

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 40:15

Wa ‘ita, ‘ebeloinao ‘atua baketa ‘ina pesu, ta si sawedi ‘atua ‘ebekuge ‘ina kau gidarina: wa ‘ita, saru ‘i gilagasidi na‘ieana iage togidarasana.

Salamo 2:4

Tauna garewaia ‘i miatoa ‘i da edagi: Ieoba ‘i da tuietuieiedi.

Salamo 29:10

Ieoba ‘i miatoa King ‘atua Murua ‘enaia; Tamo, Ieoba ‘i miatoa King ‘atua ‘ataia.

Isaia 19:1

Aigupito ‘ana ona. Wa ‘ita, Ieoba ‘i geru poana pilimanini ‘ena, ta Aigupito ‘ena ‘i mai: ta Aigupito ‘ina tokwaruiao si da loniu matanaia, ta Aigupito ‘atena ‘i da doga soranaia.

Nugana 1:6

Ta Eaubada ‘i ona, Bwagabwaga ‘i da apwesa ni‘u gamwagamwanaia, ta ni‘u be ni‘u ‘i da weari.

Salamo 18:11

Guguioi ‘i bubuna be ‘ina esena kwaia, ‘ina anua ‘i miasakowasiena; Boasi ‘idi guguioi, mwatui poanana badodi.

Salamo 19:4

‘Idi raba ‘i tauiawa bare‘u maibo‘ana ‘enaia, Ta ‘idi ona bare‘u ‘ana ‘ebelosaroni ‘enaia. ‘Edia tabenakele ni‘atu ‘i sa‘una sinara manuna,

Isaia 37:16

Bodao ‘idi Ieoba ie, Iseraela ‘ina Eaubada, ‘Oio ierubima ‘edia ‘u miatoa, ‘oio bare‘u ‘ina ‘ebeloina iauiauna ‘idi Eaubada, tuga tebweuio; ‘oio garewa ta bare‘u ‘u mweruruidi.

Isaia 42:4

Gea‘abo ‘i tabataba nai ‘i da ‘atesa‘ara, ga etara ‘i sa‘u bemi bare‘uia; ta saru ‘ina loina si da iamwaiamwai.