Isaia 40:18 - Buki Tabu Lowaenei 1919

¹⁸ ‘Enega iaita Eaubada wa da ‘awanadigega‘ena? Nai to ma‘ama‘aiau wa da ‘ita‘esi‘esinua ma‘ieana?

Isaia 40:18 Referans Kwoze

Isaia 46:5

Iaita nai wa da ‘awanadigega‘egu, ta wa da ona ia erererea ma‘ieana, ta wa da sa‘ugu ma‘ieana, be ‘a nadigega?

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Isaia 40:25

‘Enega iaita ‘ena wa da ‘awanadigega‘egu, be ia da erererea ma‘ieana? To Tabu Tebweuna ‘i gwae.

Salamo 89:6

Iaita garewaia Ieoba ‘ena ta da ‘awanadigega ta ‘enega? Iaita toewaiwai natunao gamwagamwanidia Ieoba nadigega,

Salamo 89:8

Ieoba ie, bodao ‘idi Ieoba, Iaita ‘i ewaiwai ‘oio nadigega, IAA ie? Ta ‘imu bubuna ‘ai‘aila ‘i mia sakowasiemu.

Si Apwesa 9:14

Tuta gete ‘enega ‘igu muia iauiauna ia da ‘etunedi ‘ateio ‘enaia ta ‘enega, ‘imu toguinuao ‘edia be, ‘imu tomota ‘edia be; be ‘enega ‘u da mwaratoni ‘aene nigea ‘e bweu ‘abo‘agu nadigega gabura maibo‘ana ‘enaia.

Si Apwesa 8:10

Ta ‘i gwae, Gibua‘i ‘enega. Ta ‘i gwae, ‘Imu ona nadigega ‘i da apwesa: be ‘enega ‘u da mwaratoni ‘aene nigea ‘e bweu Ieoba ‘ima Eaubada nadigega.

Si Apwesa 20:4

Gea‘abo tokwarui daiagina ‘emuia ‘u da bubuna, nai maamaaiau ‘e bweu nadigega ‘e bweu iage garewa lo‘etana ‘enaia, nai bare‘u lo‘ubuna ‘enaia, nai ora bare‘u ‘ubunaia ‘enaia;

Isaia 46:9

Gimi iage lowaeneiega wa da nua‘i‘isi: ‘abo‘agu Eaubada ta ‘enega, ta nigea wate ‘e bweu; ‘abo‘agu Eaubada, ta nigea ‘e bweu ‘abo‘agu nadigega;

Salamo 113:5

Iaita Ieoba ‘ida Eaubada nadigega, Tauna ‘ina ‘ebemia ‘etanaia,

Salamo 89:7

Eaubada to didiga sana taudi iaruiaruadi ‘esasena ‘idi deriegogona ‘enaia, Ta iauiaudi si mia sakowasiena tauna ‘ana matauta sinabwana?

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.