Isaia 40:10 - Buki Tabu Lowaenei 1919

¹⁰ Wa ‘ita, ‘Inapwana Eaubada ‘i da mai to ewaiwai na‘ieana, ta nimana ‘i da loina tauna manuna; wa ‘ita, ‘ina tamapu ma‘ieana; ta ‘ina e‘isa matanaia.

Isaia 40:10 Referans Kwoze

Isaia 62:11

Wa ‘ita, Ieoba ni‘atu ‘i guguia bare‘u ‘ina ‘ebelosa‘u ‘enaia, Siona natuna me wainena ‘ena wa da gwae, U ‘ita, ‘amu ‘etoseana ‘i memai; u ‘ita, ‘ana e‘isa ma‘ieana, ta ‘ina guinua matanaia.

Isaia 49:4

Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Isaia 59:15

Tamo, ona‘ai‘aila kakae; ta tauna to‘umalina ‘i pilisinena ‘i bubuna tauna be i ‘e ‘ebe‘oae: ta Ieoba i ‘itena, ta nuana ‘i to‘umalina nigea ‘e bweu loina ‘i miami ta ‘enega.

Salamo 110:6

‘Ebeloinao gamwagamwanidia ‘i da loina, Kokoao ‘ediega esenao ‘i da loemaedi; ‘Asa iauna ‘edia deba ‘i da ‘e‘aubware.

Isaia 53:12

Ta ‘enega tomwana ia da ‘eguiai‘ena mesinabwadi ma‘edi, ta tauna gwegwe‘oae ‘i da ‘eguiai e‘ewaiwaidi ma‘edi; iaruiaruana ‘i siwena mwawasa ‘enaia ia ‘enega, ta si sawena to li‘oa‐loina ma‘edi: ta iauiaudi ‘idi loegesi i ‘a‘ara, ta ‘i sidasida to li‘oa‐loina manudi.

Salamo 66:3

Eaubada ‘ena ‘u da ona, ‘Imu guinuao si didiga! ‘Imu waiwai ‘ana sinabwa ‘enega ‘amu tarauwarao ‘emuia si da tagwaredi.

Isaia 28:2

Wa ‘ita, ‘Inapwana ma‘ina iage waiwai ta pa‘ara; ‘atua ‘usana patuna wedilia ma‘ieana, iagila didiga ‘i unuunua, ‘atua murua waiwai maa‘apu‘apu wedilia ma‘ieana, ‘i da ulamwa‘uta bare‘uia nimanega.

Isaia 33:2

‘Ieoba ie, ‘emaia ‘u da nua‘ole‘ole; ni‘atu ‘a iamwaiamwa manuio: ‘oio ‘u da nimadi gonagona iauna, ‘ima ‘etoseana wate tuta loniu ‘enega.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 59:16

Ta i ‘ita nigea ‘e bweu tai, ta nuana ‘i owana nigea ‘e bweu to sida ta ‘enega; ta ‘enega tauna nimana ‘etoseana ‘i me‘ena ‘enaia; ta ‘ina bubuna paruparu, tauna ‘i giiaina.

Isaia 59:18

‘Idi guinuao nadigega, ‘i da e‘isa nadigega, egamwagamwagu ‘ana tolosaiao ‘edia, e‘isa ‘ana tarauwarao ‘edia; e‘isa saru ‘edia ‘i da ‘ebwaealimana.

Isaia 63:5

Ta ia ‘ita, ta nigea ‘e bweu ‘i leme; ta nuagu ‘i owana nigea ‘e bweu ‘i gietooro: ta ‘enega nimagu taugu ‘etoseana ‘i me‘ena ‘eguia; ta ‘igu egamwagamwagu, tauna ‘i gietoorogu.

Nugana 15:1

Iage getedi si gumwara ga Ieoba ‘ina ona Aberamo ‘ena ‘i mai madawarega, ‘i gwae, Aberamo, gea‘abo u ‘atesa‘ara: ‘Abo‘agu ‘imu lawa, ta ‘amu e‘isa tosinabwasana.