Isaia 4:5 - Buki Tabu Lowaenei 1919

⁵ Ta Ieoba ‘Oea Siona ‘ina ‘ebemia maibo‘ana debadia, ta ‘ina deriegogona debadia, poana ta ‘asu ‘i da mweruruidi asiata ‘enega, ta awe sabelulu ‘ana tuiaiara boiboiega: esaesa maibo‘ana debanaia ‘auboda ‘i da eso ta ‘enega.

Isaia 4:5 Referans Kwoze

Salamo 78:14

Asiataia wate i ‘au‘ewedi poanega, Ta boiboia maibo‘ana awe ‘ina ma‘edanega.

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 46:13

‘Igu bubuna paruparu ia me‘ena serabenaia, gea‘abo ‘i da mia ‘edasora, ta ‘igu ‘etoseana gea‘abo ‘i da iamwaiamwa; ta ‘etoseana ia da sa‘u Siona ‘ena Iseraela ‘igu esaesa manuna.

Isaia 33:20

Siona ena ‘u da ‘ita, sagari sa‘usa‘u ‘ai‘ailidi ‘idi ‘asa: mataio Ierusalema si da ‘ita ebemia mia‘emwa‘ule, anua‐kaleko gea‘abo si da ‘ewena, ‘ina kaiwe gea‘abo si da ‘iwadi, ta nigea ‘e bweu ‘ina barae ‘i da ‘e‘upena.

Salamo 85:9

Ona ‘ai‘aila ‘ina ‘etoseana taudi si matautena ‘i mia serabedia; Be ‘enega esaesa ‘ida ‘asa ‘ena ‘i da miami.

Salamo 89:7

Eaubada to didiga sana taudi iaruiaruadi ‘esasena ‘idi deriegogona ‘enaia, Ta iauiaudi si mia sakowasiena tauna ‘ana matauta sinabwana?

Si Apwesa 14:24

Ta ‘ita‘i‘ita ‘ana tuta gonagonaia gete ‘i apwesa, Ieoba ‘ora‐awe ta ‘orapoana ‘ediega Aigupito ‘ina boda ‘edia i ‘ita apwesa, ga me Aigupito ‘idi boda ‘i gie‘ate‐sa‘aridi.

Isaia 37:35

‘Asa gete ia da lemena ta ‘enega be ia da ‘etoseena, taugu manuna, ta ‘igu to‐guinua Dabida manuna.

Isaia 32:18

Ta ‘igu tomota anua guguia ‘ena si da miami, ta anua pa‘ara ‘ai‘ailina ‘edia, ta ‘ebeeiawai‘ata mia‘enono ‘edia.

Salamo 111:1

Ieoba wa da tupuna. Ieoba ‘ena ia da lokagutoki ‘ategu maibo‘anega, Ta paruparuiao ‘idi deriegogona ‘enaia, ta boda tapwaroro ‘enaia.

Si Apwesa 26:7

Ta ‘auboda gota unuununa ‘u da bubudi bwasa anua‐tabenakele ‘etanina manuna: ‘auboda ‘e elebeni ‘u da bubudi.

Si Apwesa 26:1

Wate anua‐tabenakele ‘u da ‘abina ma‘ana ‘auboda kaleko ‘e teni; kaleko ionaiona matagidarina, karakarawina be, papele be, bweabwearina be, ma‘ana ierubima toguinua sinasinapuna ‘ana guinua ‘ediega ‘u da bubudi.

Si Apwesa 24:16

Ta Ieoba ‘ina esaesa ‘oea Sinai ‘ena ‘i miami, ta poana ‘i lobodebodena asiata e sikisi: ta asiata e sebeni nina Mose ‘ena ‘i bwau poana gamwanega.

Salamo 105:39

Poana ‘i kabokabo bodaboda manuna; Ta awesabelulu be ‘i giema‘edana boiboi.

Isaia 60:2

U ‘ita, ta ‘enega, guguioi bare‘u ‘i da bodena, ta guguioi badona tomota ‘i da bodedi: ta Ieoba ‘i da apwesa ‘emuia, ta ‘ina esaesa si da ‘ita ‘emuia.