Isaia 4:1 - Buki Tabu Lowaenei 1919

¹ Ta iine ‘e sebeni tai ‘e bweuna si da giiaina asiata gote, si da gwae, ‘Ama palaua taumamo ‘a da ‘e‘ai, ta ‘ama ‘oama taumamo ‘a da ‘otena: tuga ‘amu esanega si da eesema; ‘ama ‘ebesinara ‘u da ‘ewa iaulei.

Isaia 4:1 Referans Kwoze

Nugana 30:23

Ta i ‘euwana, ta natuna me‘olotona ‘i enatunena: ta ‘i gwae, Eaubada ‘agu sinara ni‘atu i ‘ewena:

Isaia 2:17

Ta tai ‘ina miatu‘e ‘i da mia‘opu‘opu, ta tai ‘idi gagasa ‘i da miamwa‘uta: ta Ieoba tebweuna ‘i da miatu‘e asiata gote ‘enega.

Isaia 13:12

Tai ia da bubuna be ‘i bobo‘ana wawasae gola bobo‘ai‘ailina ‘enaia, tuga tai be ‘i bobo‘ana wawasae Opira ‘ina gola ‘esasena ‘enaia.

Isaia 17:7

Asiata gote tai ‘ina To Mwerurua ‘ena ‘i da ‘ita, ta matana Iseraela ‘ina Tabu Tebweuna si da ‘amaiabena.

Isaia 10:20

Ta gete ‘i da apwesa asiata gote ‘enega, ‘aene Iseraela tupwana, ta taudi susu Iakobo si denadena, gea‘abo wate tauna ‘i unuunudi ‘ena si da ‘emisa; ta Ieoba, Iseraela ‘ina Tabu Tebweuna, tauna ‘ena si da ‘emisa ‘ai‘aila.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 3:6

Tuta ‘enega tai tasina ‘i da giiaina tamana ‘ina anua ‘enaia, ta ‘i gwae, ‘Oio ma‘amu ‘oama, ‘u da ‘ima toloina, ta saoora gete nimaio ‘ubuninaia:

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.