Isaia 38:3 - Buki Tabu Lowaenei 1919

³ Ta ‘i gwae, Ieoba ie, ia sideio, gete ‘enega ‘u da nua‘i‘isi, matamuia ia tauia ona‘ai‘ailega ta ‘ate bobo‘ai‘ailinega, ta iage ‘i bobo‘ana matamuia ia guinuena. Ta Esekia ‘i dedoi didiga.

Isaia 38:3 Referans Kwoze

Salamo 6:8

‘Eguiega wa da tauia, ‘omi iauiaumi bubuna bokobokona wa guiguinue; ‘Igu dedo ‘enana Ieoba ni‘atu ‘i nonona ta ‘enega.

Salamo 119:80

‘Ategu ‘i da bobo‘ai‘ailina ‘imu loina tomwanao ‘edia; Be ‘enega gea‘abo ia da omaiamaia.

Salamo 102:9

Karikau ia ‘e‘ai palaua ‘atua, Ta ‘agu boasi ia ‘ili‘ilia dedoiega.

Salamo 32:2

Tauna tai nina Ieoba nigea bubuna bokobokona ‘ena ‘i da sawena, Ta iaruiaruana nigea ‘e bweu kabo ‘ena ‘i miami, tauna ‘i bobo‘ana.

Salamo 101:2

Ia da ‘ita‘i‘isi ‘ai‘ailigu ‘eda bobo‘ai‘ailina ‘enaia: Maisa nai ‘u da mai ‘eguia? ‘Igu anua gamwanaia ia da lopilidadana ‘atebobo‘ai‘ailinega.

Salamo 26:3

‘Imu oboboma‐nua‘ole‘ole mataguia ‘i miami ta ‘enega; Ta ‘imu ona‘ai‘aila ‘ena ia tautauia.

Salamo 16:8

Ieoba ia sa‘u mataguia ataia: Ataiguia ‘i miami, ta ‘enega gea‘abo ia da loniu.

Nugana 17:1

Ta ni‘atu Aberamo ‘ana tuta iakwara ‘e naineti‐naine, ga Ieoba Aberamo ‘ena ‘i apwesa, ta ‘ena ‘i ona, ‘Abo‘agu Eaubada Toewaiwaisana; mataguia ‘u da tauia, ta ‘u da bobo‘ana maibo‘ana.

Nugana 6:9

Noa ‘ina ‘ebetubua getedi. Noa tai adelina paruparuna, ta ‘ana epatao ‘edia ‘i bobo‘ana maibo‘ana: Noa Eaubada a‘ieana si lopilidadana.

Salamo 6:6

‘Igu sidesidega ia lo ‘ame‘ame; Boiboi iauna ‘igu ‘ebe‘eno ia edauna; ‘Igu ‘ebe‘eno ia epwasena mataserugu ‘ediega.

Isaia 38:2

Ga Esekia maninina ‘i sana‘ila pita ‘enaia, ta Ieoba ‘ena i ‘awanoi,

Isaia 38:4

Ga Ieoba ‘ina ona ‘i mai Isaia ‘ena, ‘i gwae,