Isaia 37:24 - Buki Tabu Lowaenei 1919

²⁴ ‘Imu to‐guinuao ‘ediega ‘Inapwana ‘u ba‘ena, ta ‘u ona, ‘Igu salioteao ‘adi iau ‘enega ia tu‘ema ‘oeao ‘idi kesora ‘enaia, Lebanona ‘ina esenao si mia soranaia; ta maruanina duduradi ia da tara mwa‘uta, ta kaiwena keigwana bobo‘ai‘ailidi: ta ‘ana kesora sana ‘ena ia da rugu, bagurina ualoebwaina o‘enina.

Isaia 37:24 Referans Kwoze

Isaia 14:8

Tamo, kaiwe keigwana si guausoara manuio, ta Lebanona maruanina, si gwae, Ni‘atu ‘oio ‘u ‘eno mwa‘uta, nigea ‘e bweu to ‘upwa ‘i tu‘etu‘ema manuma.

Isaia 10:18

Ta ‘ina o‘ai ‘ina esaesa, ta ‘ina bagura ua loebwaina ‘ina esaesa, ‘i da ‘arasidi, iaruiaruana ta oona ruarua: ta ‘i da nadigega tuta ‘enega to ‘a‘ara doe ‘i mwawamwawasa.

Isaia 37:4

Nai Ieoba ‘imu Eaubada Rabasakei ‘ina ona ‘i da nonodi, tauna ‘ina ‘inapwana Asiria ‘ana king ni‘atu ‘i etunena be Eaubada maiawasina ‘i ba‘ena, ta ona nidi Ieoba ‘imu Eaubada ‘i nonodi ‘i da ba‘edi: ta ‘enega ‘imu sidasida ‘u da gitu‘e tupwana ‘i miami manuna.

Isaia 36:9

Ga mwa‘adega ‘igu ‘inapwana ‘ina to‐guinua me gidarina ‘ina kapeteni ‘e bweuna maninina ‘u da gisana‘ile, ta ‘imu ‘emisa ‘u sa‘u Aigupito ‘ena saliote manudi ta to‐geruose manudi?

Isaia 29:17

Nigea nai tuta gidarina, be Lebanona ‘i da ebuni be ‘i da bagura ua loebwaina, ta bagura ua loebwaina si da sawena ‘aene mitawa?

Salamo 20:7

‘Aidi saliote ‘ena si ‘emisa, ta‘aidi ose ‘edia; Ta ‘abo‘ama Ieoba ‘ima Eaubada ‘ana esana ‘a da ‘inana.

Si Apwesa 15:9

Tarauwara ‘i gwae. Ia da muria, Ia da ‘ewa, gwegwe ia da ‘eguiai: ‘Igu gewagewana ‘i da maa ‘edia; ‘Igu sisi‐saia ia da lisilolona, nimagu ‘i da giesaooridi.

Isaia 10:33

Wa ‘ita, ‘Inapwana, bodao ‘idi Ieoba, kaiwe narina garudi ‘i da ‘upwa iauledi didigega: ta taudi ‘adi ketosora ‘i lo‘etana ‘i da tara mwa‘utedi, ta to mia tu‘e si da mia mwa‘uta.

Isaia 10:34

Ta mitawa o‘eninao ‘i da tara mwa‘ute kainumuiega, ta Lebanona ‘i da be‘u to ewaiwai ‘enega.