Isaia 35:8 - Buki Tabu Lowaenei 1919

⁸ Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 35:8 Referans Kwoze

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Isaia 30:21

Ta tenamuao ona si da nono guaumuia, ‘i da gwae, Gete ‘eda nina, ‘ena wa da tauia; ‘ena wa sana‘ila ‘ataimi ‘ena, ta ‘ena wa sana‘ila gegeumimi ‘ena.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 62:10

Wa da rugu, wa da rugu ‘ari ‘ana ‘eberugu ‘edia; tomota ‘idi ‘eda wa da kakari; wa da ‘ulatu‘e, ‘eda sinabwana wa da ‘ulatu‘e; gurewa wa da egogonediwa; doe wa da gilagasi tomota manudi.

Isaia 57:14

Ta ‘i da gwae, Wa da ‘ula tu‘e, wa da ‘ula tu‘e, ‘eda wa da bubu, ‘ebeesetupe wa da ‘ewa ‘igu tomota ‘idi ‘edega.

Isaia 4:3

Ta gete ‘i da apwesa, tauna si pilisinena Siona ‘ena, ta tauna ‘i tupwa Ierusalema ‘ena, si da eesena tabu, tuga ‘e bweuna ‘e bweuna si ‘etoladina maiawasina Ierusalema ‘ena:

Salamo 119:130

‘Imu ‘ona ‘idi gigege ‘i giema‘edana; Mwagemwagedi ‘idi sinasinapu ‘i sa‘una.

Salamo 23:4

Tamo, ‘abo mwawasa iauiaukwina ‘ina sa‘ara ia rubwarena, Gea‘abo ‘e bweu to‘umalina ia da matamataute; ‘oio ma‘ieagu ta ‘enega: ‘Imu guna ta ‘imu keweliwelili, taudi si gieguausoarigu.

Salamo 19:7

Ieoba ‘ina loina ‘i bobo‘ai‘ailina, iaruiarua ‘i giebobo‘anena: Ieoba ‘ina simana ‘i pa‘ara ‘ai‘aila, to emwagemwage ‘adi sinapu ‘i sa‘una.

Isaia 52:11

Wa da tauiawa, wa da tauiawa, gote ‘enega wa da apwesawa, gea‘abo ‘e bweu iage baila wa da gitoo; gamwagamwaninega wa da tauiawa; wa da ‘esasena, ‘omi Ieoba ‘ina keigao wa ‘a‘aridi.

Isaia 52:1

‘U da tooro, ‘u da tooro, ‘imu waiwai ‘u da ‘otena, Siona ie; ‘amu ‘oama ‘adi ‘ita bobo‘ana ‘u da ‘otedi, Ierusalema ie, ‘asa tabu: gete ‘enega ta muriega gea‘abo wate taudi nigea si lodaba ta nigea si ‘esasena ‘emuia si da rugu ta ‘enega.

Isaia 33:8

‘Eda loetana si ‘eno waborebore, tai lopilidadana ‘i gumwara: ona ‘upa‘upa ‘i li‘oena, ‘asa ‘i sinaridi, tai nigea i ‘amaiabena.

Isaia 19:23

Asiata gote ‘eda sinabwana ‘i da miami Aigupitoega ga Asiria ‘enaia, ta goma Asiria ‘i da mai Aigupito ‘enaia, ta goma Aigupito Asiria ‘enaia; ta me Aigupito si da bwagobwago me Asiria ma‘ediao.

Isaia 11:16

Ta ‘eda sinabwana ‘i da miami ‘ina tomota tupwadi manudi, taudi si miami, Asiriega; nadigega lowa ‘i miami Iseraela manuna asiata ‘enega ‘i tu‘ema ‘asa Aigupitoega.

Salamo 118:20

Gete Ieoba ‘ina ‘auboda; To paruparu ‘ena si da rugu.

Isaia 51:10

Nigea ‘oio nai tauna ora ‘i gieiapasa, ni‘u sinabwana ‘ina ora; tauna ora ‘ina ni‘u ‘i bubuna be ‘eda ‘enega li‘ali‘amidi si taona?

Loina 26:6

Ta guguia ia da sa‘u ‘asaia, ta wa da ‘eno, ta gea‘abo ‘e bweu ‘i da giematautemi: ta ia da loina be bosasa to‘umalina si da gumwara ‘asega, ta sisisaia gea‘abo ‘imi ‘asa ‘i da rubware.

Isaia 43:19

Wa ‘ita, iage auauna ia da guinua; gete ‘enega ‘i da apwesama: gea‘abo nai wa da mwaratonina? ‘Eda ia da bubu tuga mitawaia, ta boasi‐daudauiao kaukaudaisinamo ‘enaia.

Isaia 62:12

Ta si da eesedi Tomota tabu, Ieoba ‘ana ‘ewa‘ewalima: ta si da eeseio ‘Ebe‘ebesaio, ‘Asa nigea si e‘idi‘idia.