Isaia 35:7 - Buki Tabu Lowaenei 1919

⁷ Ta kaukau ‘ara‘arasina ‘i da esewasewa, ta bwa‘a iapaiapasina wewerupwao; kedewa‐mitawa ‘idi ‘ebemia, ‘ena si ‘eno, nedu ‘i da miami kigweruru ta sita ma‘enao.

Isaia 35:7 Referans Kwoze

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 34:13

Ta ‘ina anua esaesa ‘edia kwakwakwara si da tabwa, dibi ta pwatura ‘ina anua‘ebesaia ‘edia: ta ‘i da ekedewamitawa ‘idi ‘ebemia, ‘atamana kasuweri manudi.

Isaia 13:22

Ta wolipa si da bwau ‘idi anua pa‘ara ‘edia, ta kedewamitawa ‘idi anua esaesa ‘adi ‘ita bobo‘ana ‘edia: ta ‘ana tuta i ‘abe ‘i mema, ta ‘ina asiatao gea‘abo si da mia dudura!

Isaia 29:17

Nigea nai tuta gidarina, be Lebanona ‘i da ebuni be ‘i da bagura ua loebwaina, ta bagura ua loebwaina si da sawena ‘aene mitawa?

Isaia 19:6

Ta boasi‘awanao si da mwa‘ulu; Aigupito ‘ina boasi‐sala si da mwa‘uta ta si da iapasa: kigweruruiao ta sitao si da medara.

Salamo 107:35

Mitawadaisinamo ‘i gibunina be ‘i e boasigaula, Ta bwa‘a iadaiadana be ‘i ewewerupwaiao.

Isaia 30:25

Ta ‘oea miatu‘e iauna, ta ‘oea kesora iauna ‘edia, boasi‘awanao ta boasi‐daudauiao ‘edia, si da miami, esilae sinabwana ‘ina asiata ‘enega, ‘ena anua ‘etosora si be‘u:

Isaia 41:18

‘Oea daisidimo ‘edia boasi‐daudauna ia da gigege, ta wewerupwao sa‘ara gamwagamwanidia: mitawa ia da bubuna be ‘i sewasewa boasi, ta bwa‘a iadaiadana wewerupwa‐boasi.

Isaia 43:20

Mitawa ‘ina iobai si da ‘amaiabegu, warigoao be kasuweriao: boasiao ia sa‘u mitawaia manuna, ta boasi‐daudauiao kaukaudaisinamo ‘enaia, sabi enuma ‘igu tomota, ‘agu esi‘esinuao:

Isaia 48:21

Ta tonaadi nigea si iapasa tuta ‘enega i ‘au‘ewedi kaukaudaisidimo ‘edia: boasi ‘i giedau gurewega manudi: gurewa wate ‘i wearina, ta boasi si dau.