Isaia 35:4 - Buki Tabu Lowaenei 1919

⁴ To ‘atesa‘ara wa da eonedi, Wa da ewaiwai, gea‘abo wa ‘atesa‘ara: wa ‘ita, ‘imi Eaubada ‘i da mai e‘isega, Eaubada ‘ina tamapuiega; ‘I da mai ta ‘i da ‘etoseemi.

Isaia 35:4 Referans Kwoze

Isaia 34:8

Gete Ieoba ‘ina e‘isa ‘ina asiata ta ‘enega, e‘isa ‘ana iakwara Siona ‘ina e‘upwa ‘enaia.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 61:2

Be Ieoba ‘ina iakwara nuabobo‘ana ia da guguiaei, ta ‘idi Eaubada ‘ina asiata e‘isa; be iauiaudi si dedoi ia da gieguausoaridi;

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 44:2

Gete nadigega Ieoba ‘i gwae tauna ‘i mweruruiio, ta ‘i bubuio gamwa ‘enega, tauna ‘i da lemeio: Gea‘abo ‘u matauta, Iakobo ie ‘igu toguinua: ta ‘oio, Iesuruna, tauna ia ‘esinuena.

Isaia 32:4

Ta to lomanini wate ‘atena sinasinapu ‘i da mwaratoni, ta meialidolidodi meiadi si da loli‘ami be si da ona‘ai‘aila.

Isaia 66:15

Wa ‘ita, ta ‘enega, Ieoba ‘i da mai awe‘ara‘aratega, ta ‘ina salioteao si da ‘ebwawabwawa nadigega; sabi ‘ebwaea ‘ina gamwasoara egamwagamwaguiega, ta ‘ina ba‘e awesabeluluiega.

Isaia 28:16

Ta ‘enega ‘Inapwana Eaubada gete nadigega ‘i gwae, Wa ‘ita, Siona ‘ena gurewa ia sa‘una ‘autu manuna, gurewa tootoona, ‘autui ‘ai‘aila gurewana tupitupina bobo‘ai‘ailina: tauna ‘i iareiare gea‘abo ‘i da lomanini.

Salamo 116:11

‘Igu lomaniniega ia gwae, Tai iauiaudi to ona kabokaboiao.

Salamo 50:3

‘Ida Eaubada ‘i da mai, ta gea‘abo ‘i da enono: Awe sabelulu ‘i da ‘e‘a matanaia, Ta ‘atua wedilia ‘i da sakowasiena.

Isaia 1:24

Ta ‘enega ‘Inapwana ‘i gwae, bodao ‘idi Ieoba, Iseraela ‘ina Toewaiwai, ‘Abo‘agu to loguitoasao ia da ‘ewa‐iauledi, ta ia da e‘isegu ‘agu tarauwarao manudi:

Salamo 94:1

Ieoba ie, ‘Oio Eaubada e‘isa ‘imu iage, ‘Oio Eaubada e‘isa ‘imu iage, ‘u da saema.

Salamo 145:19

Taudi si matautena ‘idi nuena ‘i da gieapwesa ‘edia; ‘Idi bwau wate ‘i da nonona, ta ‘i da ‘etoseedi.

Isaia 7:4

Ta ‘ena ‘u da ona, ‘U da ‘ita‘i‘isi, ta ‘u da ‘emwa‘ule; gea‘abo ‘u matauta, ta gea‘abo ‘ateio ‘i da neneta, kaiwe ‘ara‘arata ma‘asudi iuiudi ‘e rua getedi manudi, Resina ta Siria ‘idi gamwasoara toila manuna, ta wate Remalia natuna ‘ina gamwasoara toila manuna.

Isaia 37:6

Ta Isaia ‘i eonedi, Gete nadigega wa da ona ‘imi ‘inapwana ‘enaia, Gete nadigega Ieoba ‘i gwae, Ona nidi wa nonodi gea‘abo wa matauta manudi, taudi ona nidi ‘ediega Asiria ‘ana king ‘ina to‐guinuao si ona besobeso ‘eguia.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 40:2

Ierusalema ‘atena ‘ena wa da ona, ta ‘ena wa da bwau, ‘ana tuta saia ni‘atu ‘i gumwara, ‘ina bubuna bokobokona ni‘atu ‘i kweu; ni‘atu Ieoba nimanega ‘e rua si ‘ewena ‘ina loegesi iauiauna manudi.

Isaia 47:3

‘Imu mabubugewa ‘i da apwesa, tamo, ‘imu omaiamaia si da ‘ita: ia da e‘isa, ta gea‘abo ‘e bweu tai ia da loba.

Isaia 49:4

Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Isaia 49:25

Ta gete nadigega Ieoba ‘i gwae, Tuga to ewaiwai ‘idi ioniionidi si da ‘ewedi, ta to didiga ‘idi iage oae si da ‘etoseedi: ‘abo‘agu ia da e‘upwa tauna ‘i e‘upwa ma‘ieaio ma‘ieana, ta natumuao ia da ‘etoseedi.

Isaia 59:18

‘Idi guinuao nadigega, ‘i da e‘isa nadigega, egamwagamwagu ‘ana tolosaiao ‘edia, e‘isa ‘ana tarauwarao ‘edia; e‘isa saru ‘edia ‘i da ‘ebwaealimana.

Isaia 63:4

Asiata e‘isa ‘ateguia ‘i miami ta ‘enega, ta ‘igu ‘ewa‘ewalimanao ‘adi iakwara ni‘atu ‘i mai.

Isaia 31:5

Na‘ieana manua si taetaea, nadigega bodao ‘idi Ieoba Ierusalema ‘i da didigena; ‘i da didigena ta ‘i da ‘etoseena, ‘i da taona ta ‘i da ‘ita‘i‘isina.