Isaia 35:2 - Buki Tabu Lowaenei 1919

² ‘I da senina sinabwana, ta ‘i da ‘uiawana, tamo, guausoarega ta wariega; Lebanona ‘ina esaesa ‘ena si da ‘ebwaea, Kaamela ta Sarona ‘idi bobo‘ai‘ailina: Ieoba ‘ina esaesa si da ‘itena, ‘ida Eaubada ‘ina bobo‘ai‘ailina.

Isaia 35:2 Referans Kwoze

Isaia 60:13

Lebanona ‘ina esaesa ‘emuia ‘i da mai, gewana, maruana, ta kwakwamo rererea; be ‘igu anua tabu ‘ina esena ‘ana ‘ita bobo‘ana si da iagei, ta ‘aegu ‘adi ‘ebesa‘u ia da bubuna esaesa.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 40:5

Ta Ieoba ‘ina esaesa ‘i da apwesa, ta esio iauiauna si da ‘itena rererea: Ieoba ‘awana ‘i onena ta ‘enega.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 60:19

Sinara gea‘abo wate ‘imu ma‘edana asiataia; nai tuiaiara manuna nawarae ‘i da giema‘edaneio: ta Ieoba ‘i da ma‘edana ataia ‘emuia, ta ‘imu Eaubada ‘imu esaesa.

Isaia 33:9

Bwa‘a i ‘ewabamu ta ‘i egumwarena: Lebanona ‘i omaiamaia ta ‘i medarina; Sarona ‘asa kaukaudaisinamo nadigega; ta Basana ta Kaamela iawadi si dededera iaulei.

Salamo 72:19

Ta ‘ana esana esaesa ta da tupuna ataia; Ta bare‘u maibo‘ana ‘i da maa ‘ina esaesa ‘enega. Emeni ta Emeni.

Salamo 72:16

Witi sinabwa wawasae bare‘uia ‘i da miami ‘oea debadia; Uana ‘i da dedera Lebanona ‘atua: Ta taudi to mia ‘asa si da sinabwa ‘atua bare‘u ‘ina nedu.

Salamo 50:2

Siona ‘enega, ‘ana ‘ita bobo‘ana maibo‘anega, Eaubada ni‘atu ‘i saema.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 41:19

Maruana be, kaiwe akasia be, matele be, kaiwe olibe be, ia da ‘asodi mitawaia; ta kaukaudaisinamo ‘ena keigwana be, damanu be, saiperesa be, ia da ‘asodi rererea;

Isaia 32:15

Ga tuta nina iaruiarua ‘i da daudau ‘edaia ‘etanega, ta bagura ualoebwaina si da ‘inana ‘aene o‘ai.

Isaia 6:3

Ta ‘e bweuna ‘i bwau ‘e bweuna ‘enaia, ta ‘i gwae, Tabu, tabu, tabu, bodao ‘idi Ieoba: gabura maibo‘ana ‘i maa ‘ina eseesega.

Salamo 97:6

Garewao ‘ina bubuna paruparuna si simanena, Ta tomota iauiauna ni‘atu ‘ina esaesa si ‘itena.

Salamo 89:12

Nota ta Sauta, ‘oio ‘u mweruruidi: Tabora ta Erimona si guausoara ‘amu esanega.

Si Apwesa 16:7

Ta gonagonaia, ga Ieoba ‘ina esaesa wa da ‘itena; tauna ‘imi onaolilisana Ieoba ‘enaia ‘i nonona ta ‘enega: ta to‘ase ‘abo‘ama, wa onaolilisana ‘emaia?

Isaia 27:6

Asiata si meama ‘ediega Iakobo ramuna ‘i da sa‘u; Iseraela ‘i da tupwa ta ‘i da senina: ta gabura matana si da loemaa kaiwe uanega.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Isaia 66:10

Wa da guausoara Ierusalema ma‘ieana, ta wa da ‘uiawana manuna, iauiaumi wa obobomena: wa da guausoara ma‘ieana ‘uiawana manuna, iauiaumi wa ‘ewabamu manuna:

Isaia 66:14

Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.