Isaia 33:5 - Buki Tabu Lowaenei 1919

⁵ Ieoba ‘i miatu‘e; ‘etanaia ‘i miami ta ‘enega: Siona ‘i loemaa loina ta bubuna paruparu ‘ediega.

Isaia 33:5 Referans Kwoze

Isaia 2:17

Ta tai ‘ina miatu‘e ‘i da mia‘opu‘opu, ta tai ‘idi gagasa ‘i da miamwa‘uta: ta Ieoba tebweuna ‘i da miatu‘e asiata gote ‘enega.

Isaia 66:1

Gete nadigega Ieoba ‘i gwae, Garewa ‘igu ‘ebemi‐esaesa, ta bare‘u ‘aegu ‘adi ‘ebesa‘u: to anua wa da ‘abi ‘eguia? Ta to esena ‘igu ‘ebeeiawai‘ata?

Isaia 61:11

Na‘ieana bare‘u tupwa ‘i gietabwa ta ‘enega, ta nadigega bagura iage si lelewana ‘enaia ‘i gietabwa; nadigega ‘Inapwana Eaubada bubuna paruparu ta lotuputupu ‘i da giesinabwa ‘ebeloina iauiauna matadia.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 33:10

Gete ‘enega ia da tooro, Ieoba ‘i gwae; gete ‘enega ia da tooro ‘ai‘aila; gete ‘enega ia da mia ‘etanaia.

Isaia 32:1

Wa ‘ita, king ‘e bweu ‘i da loina bubuna paruparuiega, ta ‘inapwanao si da loina etaraeiega.

Isaia 28:6

Ta etara iaruiaruana manuna tauna ‘i etaetara ‘enaia, ta pa‘ara manuna taudi saia si ‘ilena ‘ari ‘ina ‘eberugu ‘enaia.

Isaia 12:4

Ta asiata gote ‘enega wa da gwae, Ieoba ‘ena wa da ‘awabobo‘ana, ‘ana esana ‘ena wa da bwau, ‘ina guinuao wa da simanedi tomota gamwagamwanidia, wa da ‘inana ‘aene ‘ana esana ‘i miatu‘e.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Salamo 123:1

‘Emuia ia ‘ita tu‘e, ‘Oio garewaia ‘u miatoa.

Salamo 118:16

Ieoba ‘ataina ‘i miatu‘e: Ieoba ‘ataina ‘i guinua waiwai.

Si Apwesa 18:11

Gete ‘enega ia mwaratoni ‘aene Ieoba ‘i sinabwa wawasae eaubada iauiaudi ‘edia: tamo, iage nina ‘enega si bubuna gagasa ‘edia.

Si Apwesa 15:6

Ieoba ie, ‘ataio ‘i esaesa waiwai ‘ena, Ieoba ie, ‘ataio tarauwara i ‘e‘auwearidi.

Si Apwesa 15:1

Ga Mose ta Iseraela tubunao wari gete si wariena Ieoba ‘enaia, ta si gwae, si onaona, Ieoba ‘ena ia da wari, ni‘atu ‘i tu‘e wawasae: Ose ta ‘ina togeru ni‘atu i ‘uledi oraia.

Isaia 52:1

‘U da tooro, ‘u da tooro, ‘imu waiwai ‘u da ‘otena, Siona ie; ‘amu ‘oama ‘adi ‘ita bobo‘ana ‘u da ‘otedi, Ierusalema ie, ‘asa tabu: gete ‘enega ta muriega gea‘abo wate taudi nigea si lodaba ta nigea si ‘esasena ‘emuia si da rugu ta ‘enega.

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 33:4

Ta ‘imu iage ‘oae si da sa‘uegogona na‘ieana pwapwalewa ‘i sa‘u egogona: na‘ieana bilolo si losuiasuia‘edi na‘ieana ‘ena si da losuia‘edi.

Isaia 56:1

Gete nadigega Ieoba ‘i gwae, Loina wa da ‘ita‘i‘isi, ta bubuna paruparu wa da guinuei: ‘igu ‘etoseana ‘i abe ‘i mai ta ‘enega, ta ‘igu bubuna paruparu ‘i abe ‘i apwesa.