Isaia 31:3 - Buki Tabu Lowaenei 1919

³ Ta gete me Aigupito tai tugai, ta nigea Eaubada; ta ‘idi ose esio, ta nigea iaruiarua: ta ni‘atu eoba nimana ‘i da iasitoto, ga ruarua tauna ‘i leme ‘i da setupe, ta tauna ‘i lemena ‘i da be‘u, ta iauiaudi si da neneta rererea.

Isaia 31:3 Referans Kwoze

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 30:7

Aigupito ‘i leme besobeso ta ‘enega, ta nigea ‘e bweu ‘ina bobo‘ana: ta ‘enega ‘ana esana ia ‘inana Raaba to miatoa enono.

Salamo 33:17

Ose ‘i iage besobeso ‘etoseana manuna: Ta gea‘abo ‘e bweu i eto‘etoseena ‘ina waiwai sinabwana ‘enega.

Salamo 9:20

Ieoba ie, Matauta ‘ena ‘u da sa‘udi: ‘Ebeloinao si da mwaratonidi taudi ‘aene taidimo. (Sela.)

Isaia 36:9

Ga mwa‘adega ‘igu ‘inapwana ‘ina to‐guinua me gidarina ‘ina kapeteni ‘e bweuna maninina ‘u da gisana‘ile, ta ‘imu ‘emisa ‘u sa‘u Aigupito ‘ena saliote manudi ta to‐geruose manudi?

Isaia 36:6

‘U ‘ita, guna kigweruru ewearina gete ‘ena u ‘emisa, tuga Aigupito ‘enaia; tauna ‘abo tai ‘ena ‘i tugadara, nimana ‘ena ‘i da rugu, ta ‘i da badibwarena: nadigega Parao Aigupito ‘ana king iauiaudi si ‘emisena ‘enaia.

Isaia 30:5

Iauiaudi si da omaiamaia tomota nigea si giebobo‘anedi manudi, taudi nigea ‘ebeleme nai ‘ebebobo‘ana, ta omaiamaia tugai, ta wate ‘ebesinara.

Salamo 118:8

‘I bobo‘ana wawasae Ieoba ‘ena ta da ‘emisa Ta gea‘abo tai ta da ‘emisedi.

Isaia 10:3

Ta toase wa da guinua asiata ‘ebe‘ita ‘enega, ta waborebore ‘enega tauna ‘i da mai ‘edasorega? Iaita ‘ena wa da dena leme manuna? ta mane ‘ena ‘imi esaesa wa da sa‘u?

Isaia 20:6

Ta le‘awa gete ‘ana tomi si da ona asiata gote ‘enega, Wa ‘ita, gote nadigega ‘ida ‘ebemiaiai tauna, ‘ena ta dena leme manuna be si da ‘etoseeda Asiria ‘ana king ‘enega: ta ‘abo‘ada, mwa‘adega ta da dena?

Isaia 30:16

Ta wa gwaegwae, Nigea, ‘a da dena ose ‘ediega; ta ‘enega wa da dena: ta, To pili Sana ‘ena ‘a da geru; ta ‘enega taudi si pa‘imi si da to pili sana.

Isaia 20:4

Nadigega Asiria ‘ana king me Aigupito ioniionidi, ta me Aitiope ‘idi to mia to‘u‘umara, ‘i da ‘au‘ewedi, me goamadi ta me sinabwadi, bwaradaisidi ta ‘aedaisidi, ta siabe‘ube‘udi nigea ‘aubodedimo, Aigupito ‘ana omaiamaia.