Isaia 31:1 - Buki Tabu Lowaenei 1919

¹ Oioi ‘edia si mwa‘uta Aigupito ‘ena leme manuna, ta ose ‘edia si tugadara; ta saliote ‘edia si ‘emisa, iauiaudi ta ‘enega, ta togeru ose ‘edia, to waiwai sadi ta ‘enega; ta nigea Iseraela ‘ina Tabu Tebweuna ‘ena si ‘ita, nai Ieoba si ‘ebesa!

Isaia 31:1 Referans Kwoze

Salamo 20:7

‘Aidi saliote ‘ena si ‘emisa, ta‘aidi ose ‘edia; Ta ‘abo‘ama Ieoba ‘ima Eaubada ‘ana esana ‘a da ‘inana.

Isaia 36:9

Ga mwa‘adega ‘igu ‘inapwana ‘ina to‐guinua me gidarina ‘ina kapeteni ‘e bweuna maninina ‘u da gisana‘ile, ta ‘imu ‘emisa ‘u sa‘u Aigupito ‘ena saliote manudi ta to‐geruose manudi?

Isaia 30:16

Ta wa gwaegwae, Nigea, ‘a da dena ose ‘ediega; ta ‘enega wa da dena: ta, To pili Sana ‘ena ‘a da geru; ta ‘enega taudi si pa‘imi si da to pili sana.

Isaia 36:6

‘U ‘ita, guna kigweruru ewearina gete ‘ena u ‘emisa, tuga Aigupito ‘enaia; tauna ‘abo tai ‘ena ‘i tugadara, nimana ‘ena ‘i da rugu, ta ‘i da badibwarena: nadigega Parao Aigupito ‘ana king iauiaudi si ‘emisena ‘enaia.

Isaia 9:13

Ta tomota nigea si sana‘ila tauna ‘i unuunudi ‘edia, nai bodao ‘idi Ieoba si ‘ebesa.

Isaia 22:11

Wate ‘ebeegogona wa bubuna ‘ari‐gurewa ‘e rua mwatuidi sewasewa kadekaderina boasina manuna: ta ‘ana tomwerurua nigea ‘ena wa ‘emisa, nai tauna ‘i bubuna lowaenei wa ‘amaiabena.

Isaia 57:9

Ta king ‘ena ‘u tauia ma‘imu bunama, ta ‘imu mu‘ana ‘u gisinabwa, ta ‘imu topiliiareiareao ‘u etunedi ‘edasoraia, ta ‘u gimwa‘utemu tauio Seola ‘enaia.

Isaia 5:12

Ta api ta biola, sinaa ta lololi, ta oine, ‘idi sagari ‘edia si miami: ta Ieoba ‘ina guinua nigea si ‘amaiabena, nai nimana ‘ina guinua si da nuena.

Isaia 2:7

‘Idi ‘asa wate ‘i maa sileba ta gola ‘ediega, ta ‘idi oesi nigea ‘adi ‘ebelosaroni; ‘idi ‘asa wate ‘i maa ose ‘ediega, ta ‘idi wagalisilisiao nigea ‘adi ‘ebelosaroni.

Isaia 64:7

Ta nigea ‘e bweu ‘amu esana ‘ena ‘i bwau, nai ‘i giewaiwaiena tauna be ‘i giiai‘i‘isiio: maniniio ‘u kwaiena ‘emega ta ‘enega, ta ‘u loegumwarima ‘ima bubuna bokoboko ‘ediega.

Isaia 10:17

Ta Iseraela ‘ina ma‘edana ‘i da e‘awe manuna, ta ‘ina Tabu Tebweuna sabelulu manuna: ta ‘ina kaiwe taritaridiao ta ‘ina kwakwakwarao ‘i da ‘arasina ta ‘i da loegumwarina asiata ‘e bweuna ‘enega.

Isaia 20:5

Ta si da ‘atesa‘ara ta omaiamaia, Aitiope ‘idi ‘ebenuaiai manuna, ta Aigupito ‘ina esaesa manuna.

Isaia 43:15

‘Abo‘agu Ieoba, ‘imi Tabu Tebweuna, Iseraela ‘ana To Mwerurua ‘imi King.

Nugana 47:17

Ta ‘idi bulomakau si me‘edi Iosepa ‘enaia: ta Iosepa palaua i ‘ebwaedi ose ‘adi sa‘ugelasa manuna, sipi iau be, bulomakau iau be, aseao be: ta palauega ‘i e‘enidi ‘idi lagolagowao ‘adi sa‘ugelasa iakwara gote manuna.

Isaia 9:12

Me Siria nuganaia, ta me Pilisitia murinaia; ta Iseraela si da ‘enina ‘awa ‘eebarinega. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.