Isaia 30:31 - Buki Tabu Lowaenei 1919

³¹ Ieoba ‘enanega goma Asiria ‘i da weara lelewane ta ‘enega, tauna ‘i unua keweliweliliega.

Isaia 30:31 Referans Kwoze

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 9:4

‘Ana ‘a‘ara ‘ana ‘ebe‘a‘ara, ta ‘arana ‘ina guna, ‘ana to didiga ‘ina keweliwelili, ni‘atu ‘u lasedi ta ‘enega na‘ieana Midiana ‘ana asiata.

Salamo 125:5

Ta taudi si tauia dumaduma ‘idi ‘eda bokobokodi ‘edia, Ieoba ‘i da tauiediwa bubuna bokoboko ‘ana to‐guinuao ma‘edi. Guguia Iseraela ‘ena ‘i da miami.

Isaia 30:30

Ta Ieoba ‘enana esaesa ‘i da loina be si da nonona, ta nimana ‘ina e‘etomwa‘uta ‘i da e‘ita, ‘ina gamwasoara ‘ina egamwagamwagu ma‘ieana, ta ‘awe ‘ara‘arata meiana, ‘atumaninisa ma‘ieana, wedilia be, ‘usana patuna be.

Isaia 10:24

Ta ‘enega gete nadigega ‘Inapwana ‘i gwae, bodao ‘idi Ieoba, ‘Igu tomota ie, Siona ‘ena wa miami, gea‘abo goma Asiria nina wa da matautena: ‘abo keweliweliliega ‘i unuio, ta ‘ina guna ‘i gilagasi matamuia, Aigupito ‘ina bubuna ‘atua.

Isaia 10:15

‘Ila ‘i da ona gagasa nai tauna ‘enega ‘i tara kaiwe ‘enaia? Daba ‘i da ‘awa sinabwa‘ena tauna ‘i gidederina ‘enaia? ‘atua keweliwelili taudi si gilagasina ‘i da giniuiedi, nai ‘atua guna tauna nigea kaiwe ‘i da gilagasina.

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Isaia 10:26

Ta bodao ‘idi Ieoba ‘ebesapi ‘i da giniuie matanaia, nadigega Midiana ‘ana unua nina ‘enega gurewa Oreba ‘enaia; ta ‘ina keweliwelili ‘i da eora debanaia, ta ‘i da gilagasina Aigupito ‘ina bubuna ‘atua.

Isaia 14:25

Goma Asiria ia da weari ‘igu ‘asa ‘enaia, ta ‘igu ‘oea ‘edia ia da ‘aiaina: ga ‘ina ‘ebe‘ara ‘i da pilisinedi, ta ‘ana ‘a‘ara ‘aradiega ‘i da tauiawa.

Isaia 27:7

Ni‘atu nai ‘i ununa nadigega taudi si ununa ‘i unudi? nai ‘i esilae na‘ieana ‘adi umumwawasa taudi si esilae ‘enega?

Isaia 31:8

Ga goma Asiria nina ‘i da be‘u sisi‐saiega, nigea tai ‘ina sisisaiega; ta sisi‐saia nina, nigea tai ‘idi sisi‐saia, ‘i da loegumwarina: ta sisi‐saiega ‘i da dena, ta ‘ina tubuau si da etamapu.