Isaia 30:29 - Buki Tabu Lowaenei 1919

²⁹ Wari wa da ‘ewa na‘ieana boiboi nina ‘enega sagari tabu si iagei; ta ‘ate‐guausoara, na‘ieana ‘ena ‘e bweu ‘i tauia ma‘ana lololi sabi rugu Ieoba ‘ina ‘oea ‘enaia, Iseraela ‘ina Gurewa ‘enaia.

Isaia 30:29 Referans Kwoze

Salamo 42:4

Iage getedi ia nua‘i‘isidi, ta iaruiaruagu ia siwena soraguia, Bubuna nina ‘enega pwaru ma‘eguao ‘a tauia, ta ia ‘au‘ewedi Eaubada ‘ina anuaia, Eguausoara ta tuputupu ‘enadiega, pwaru asiata tabu si ‘ita‘i‘isina.

Isaia 26:4

Ieoba ‘ena ‘u da ‘emisa ‘ataia: Ia Ieoba ‘ena gurewa mia‘ataia ‘i miami ta ‘enega.

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Salamo 32:7

‘Oio ‘igu esena ‘ebemiakwaia; ‘ate‘uia‘uia ‘enega ‘u da egagaregu; ‘Etoseana ‘ana wari ‘ediega ‘u da giesakowasiegu. (Sela.)

Salamo 18:31

Iaita Eaubada ta ‘enega, Ieoba tugama? Ta iaita gurewa, ‘ida Eaubada tebweunamo?

Loina 23:32

‘I da e sabate eiawai‘ata mwaumwau ‘emia, ta iaruiaruami wa da gie‘elo‘uiadi; nawarae ‘ana asiata ‘e naine nina ‘asuinuanuaia, ‘asuinuanua ga ‘asuinuanua, ‘imi sabate wa da ‘ita‘i‘isi.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Isaia 30:28

Ta iawasina ‘atua boasi‐daudau ‘i maa‘apu‘apu, tauna ‘i tu‘e ga ‘oto ‘enaia, be ‘ebeloinao ‘i da lolulusidi iage besobeso ‘ana ‘ebelolulutega: ta ‘etoboda gieloegesi tomota ‘asemwaudi ‘edia.

Isaia 30:30

Ta Ieoba ‘enana esaesa ‘i da loina be si da nonona, ta nimana ‘ina e‘etomwa‘uta ‘i da e‘ita, ‘ina gamwasoara ‘ina egamwagamwagu ma‘ieana, ta ‘awe ‘ara‘arata meiana, ‘atumaninisa ma‘ieana, wedilia be, ‘usana patuna be.

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Salamo 42:5

Iaruiaruagu ie, to‘ase manuna ‘u a‘opu‘opu? Ta to‘ase manuna ‘u loniu soraguia? Eaubada ‘ena ‘u da nuaiaina: ‘etamo ia da tupuna ta‘enega Maninina ‘ana ‘ebebobo‘ana manuna.