Isaia 30:27 - Buki Tabu Lowaenei 1919

²⁷ Wa ‘ita, Ieoba ‘ana esana ‘edasorega ‘i mai, i ‘ara‘arata ‘ina gamwasoarega, ta ‘asu badona ‘i tu‘e ‘enega: sopana si maa ‘ina egamwagamwaguiega, ta meiana ‘atua awe ‘ara‘arata:

Isaia 30:27 Referans Kwoze

Isaia 66:14

Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.

Isaia 59:19

Nadigega Ieoba ‘ana esana si da matautena ‘ebwagega, ta ‘ina esaesa sinara ‘ina sae ‘enega: ‘i da mai ‘atua murua ta ‘enega, tauna Ieoba iawasina ‘i giedau.

Isaia 34:9

Ta ‘ana boasi‐daudau si da ebuni ga si ebwada, ta ‘ina kau ga ‘i mepulupulua, ta ‘ina bwa‘a ‘i da ebwada ‘ara‘arata.

Isaia 33:12

Ta tomota si da ‘atua iaguma ‘ana gabu: ‘atua kwakwakwara si tara mwa‘uta, taudi si ‘arasidi ‘awe sabelulu ‘enaia.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 9:5

Tai ma‘ina ‘ebelosaia egogona toila ‘ena ‘ina ‘ebelosaia iauiauna, ta ‘oama si pwasa rarega, si da miami ‘arata manuna ta ‘enega, awe sabelulu ‘ana kaiwe manuna.

Salamo 79:5

Ieoba ie, tuta eisa ‘u da gamwasoara ataia? ‘Imu e‘ipi‘ipi ‘i da ‘arata awesabelulu ‘atua?

Isaia 13:5

‘Asa ‘edasorega si mai, garewa esenana ‘ebelosaroniega, tuga Ieoba, ta ‘ina nuaiaiiai ‘ana ‘ebelosaiao, sabi giesaoora ‘asa maibo‘ana.

Isaia 33:14

To to‘umalidi Siona ‘ena si matauta; taudi nigea si tapwaroro dedera ‘i unudi. Iaita nai gamwagamwanidaia ‘i da miami ‘awe ‘e‘enina ma‘ieana? Iaita gamwagamwanidaia ‘i da miami ‘awe ‘ara‘arata ‘ataia ma‘edi?

Isaia 43:2

‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.

Isaia 66:15

Wa ‘ita, ta ‘enega, Ieoba ‘i da mai awe‘ara‘aratega, ta ‘ina salioteao si da ‘ebwawabwawa nadigega; sabi ‘ebwaea ‘ina gamwasoara egamwagamwaguiega, ta ‘ina ba‘e awesabeluluiega.