Isaia 30:22 - Buki Tabu Lowaenei 1919

²² Ta ‘imi goamamea sileba ‘idi sa‘ubodaboda, ta ‘imi goamamea gola ‘e‘urenina ‘idi ‘ebebwasa wa da giebi‘i: ‘u da ‘ulediwa ‘atua iage nigea ‘esasena; ‘ena ‘u da gwae, Gete ‘enega ‘u da tauia.

Isaia 30:22 Referans Kwoze

Isaia 31:7

Asiata gote ta ‘enega tai ‘e bweuna ‘e bweuna ‘ina tokwarui sileba, ta ‘ina tokwarui gola, si da ‘uledi, taudi nimami taumi si mweruruidi ‘emia loegesi manuna.

Isaia 46:6

Taudi gola si siwa toila tanega, ta sileba si ‘etopwapwa kuge ‘ena, taudi tobubugola si e‘isa, ta ‘i mweruruina be ‘i eaubada; si be‘u mwa‘uta, tamo, si bwagobwago.

Isaia 27:9

Ta ‘enega gete ‘enega Iakobo ‘ina bubuna bokobokona ‘i da gumwara, ta gete ‘ina loegesi ‘ana ‘ewaiaula uana maibo‘ana; ‘ena ‘ebetaria ‘ina gurewa iauiaudi ‘i bubudi gurewa buraburadi si sapi rueruedi nadigega, be ‘enega Aserima ta tokwarui‐sinara gea‘abo wate si da tooro.

Isaia 40:19

Tokwarui daiadaiagina, to guinua i ‘e‘urenina, ta tobubugola ‘i pomena golega, ta ‘aupa sileba ‘i bubudi manuna.

Loina 13:52

Ta ‘oama nina si da gabuna, nai ioniionina nai wasiwasina, wula ‘ena nai kaleko ‘ena, nai iage ‘e bweu bwarega, ‘ena muia ‘i miami: tauna lepero loniuna ta ‘enega; si da gabuna aweiega.