Isaia 29:18 - Buki Tabu Lowaenei 1919

¹⁸ Ta asiata gote ‘enega to tenatui buki ‘ina ona si da nonodi, ta to mata kebo matadi si da ‘ita umeumega ta guguioiega.

Isaia 29:18 Referans Kwoze

Isaia 35:5

Ga to matakebokebo matadi si da ebari, ta to tenatui tenadi ‘ana ‘auboda si da ‘ewai.

Isaia 32:3

Ta taudi si lo‘ita matadi gea‘abo si da umauma, ta taudi si nono tenadi si da nono‘ai‘aila.

Salamo 119:18

Matagu ‘u da gibaridi, be‘enega Iage ‘ebenuaowana ia da ‘itedi ‘imu loina ‘enega.

Isaia 29:24

Taudi wate si loegesi iaruiaruadi ‘enega sinasinapu si da mwaratoni, ta taudi si ona mugimugi e‘ita‘ita si da nonona.

Isaia 42:7

Be mata kebokebodi ‘i da gigege, ioniionidi ‘i da me‘edi gogorega, ta taudi si miatoa guguioi ‘ena anua ‘ebeionega.

Isaia 42:19

‘Iaita wate ‘i matakebokebo, ‘igu toguinua tugai? nai ‘i tenatui, na‘ieana ‘igu topiliiareiare tauna ia etunena? Iaita ‘i matakebokebo nadigega tauna ‘i mia guguia ma‘ieagu, ta iaita ‘i matakebokebo na‘ieana Ieoba ‘ina to‐guinua?

Isaia 43:8

To matakebokebo mamatadi, ta to tenatui matenadi, wa da ‘au‘ewedima.