Isaia 28:17 - Buki Tabu Lowaenei 1919

¹⁷ Ta etara ia da bubuna ‘ebe‘etopwapwa‐loesanena manuna, ta bubuna paruparu aweata manuna: ta ‘usana patuna ‘ebedena onakabokabo nina ‘i da ‘ewaiaulei, ta boasi‐murua ‘ebe kwaia ‘i da loemaa‘apu‘apuie.

Isaia 28:17 Referans Kwoze

Isaia 28:2

Wa ‘ita, ‘Inapwana ma‘ina iage waiwai ta pa‘ara; ‘atua ‘usana patuna wedilia ma‘ieana, iagila didiga ‘i unuunua, ‘atua murua waiwai maa‘apu‘apu wedilia ma‘ieana, ‘i da ulamwa‘uta bare‘uia nimanega.

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 30:28

Ta iawasina ‘atua boasi‐daudau ‘i maa‘apu‘apu, tauna ‘i tu‘e ga ‘oto ‘enaia, be ‘ebeloinao ‘i da lolulusidi iage besobeso ‘ana ‘ebelolulutega: ta ‘etoboda gieloegesi tomota ‘asemwaudi ‘edia.

Isaia 28:15

Wa ona ta ‘enega, mwawasa ma‘ieana ‘a ona‘upa‘upa, ta Seola ma‘ieana ‘a egosigosiana: ‘ena ‘ebeunua maa‘apu‘apu ‘i rubwarena, gea‘abo ‘emaia ‘i da mai; onakabokabo ‘a bubudi ‘ima ‘ebedena ta ‘enega, ta onakabokabo ‘ubunaia ‘a kwaiema:

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 10:22

‘Abo ‘imu tomota Iseraela si eora kaukauna na‘ieana ta ‘enega, ‘ediega tupwana tuga si da ‘ilama: loegumwara ‘i da apwesa ‘ai‘aila, ‘i da maa‘apu‘apu bubuna paruparuiega:

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.

Salamo 94:15

Loina ‘i da ‘ila bubuna paruparu ‘enaia ta ‘enega: Ta iauiaudi ‘atediega si paruparu si da muriena.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 61:8

‘Abo‘agu Ieoba loina ia nuanuana sinabwana ta ‘enega, ‘ipwara bubuna bokoboko ma‘ieana ia guitoasa; ta ‘adi e‘isa ia da ‘ebwa‘edi ona‘ai‘ailega, ta ona‘upa‘upa ‘ataia ia da bubuna ma‘edi.