Tauna tai nina iage gete ‘i guinua, ta tai natuna ‘enega ‘i giiai si bobo‘ana; tauna sabate ‘i ‘ita‘i‘isi ta nigea ‘i li‘oena, ta nimana i ‘ita‘i‘isi be gea‘abo to‘umali ‘e bweuna ‘i guinua.
Ieoba ‘ena tebweuna, ‘e bweu ‘i da gwae ‘eguia, bubuna paruparu ta pa‘ara ‘ena ‘i miami: tuga tauna ‘ena tai si da mai, ta iauiaudi si gamwasoara ‘enaia si da omaiamaia.
Ta nigea ‘e bweu ‘amu esana ‘ena ‘i bwau, nai ‘i giewaiwaiena tauna be ‘i giiai‘i‘isiio: maniniio ‘u kwaiena ‘emega ta ‘enega, ta ‘u loegumwarima ‘ima bubuna bokoboko ‘ediega.
Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.